కాజీపేట, వెలుగు: మేడారం జాతరకు వెళ్లే భక్తుల కోసం గురువారం నుంచి హెలికాప్టర్సర్వీసులు ప్రారంభమయ్యాయి. హైదరాబాద్కు చెందిన తుంబి ఏవియేషన్ సంస్థ హనుమకొండ జిల్లాలోని కాజీపేట నుంచి మేడారానికి హెలికాప్టర్సర్వీసులను అందిస్తోంది. ఒక్కొక్కరికి రానూపోనూ కలిపి రూ.29వేలు చార్జ్చేస్తోంది. కేవలం గంటన్నర నుంచి రెండు గంటల్లోపు వీఐపీ దర్శనం చేయించి, తిరిగి కాజీపేట చేరుస్తోంది.
అలాగే మేడారంలోని జాతర పరిసరాలను వీక్షించేందుకు జాయ్ రైడ్కు ఒక్కొక్కరి నుంచి రూ.4,300 చార్జ్ చేస్తోంది. రోజూ ఉదయం 8 గంటల నుంచి సాయంత్రం 5 గంటల వరకు కాజీపేట నుంచి మేడారం జాతరకు నాలుగు హెలికాప్టర్సర్వీసులు ఏర్పాటు చేసినట్లు సంస్థ నిర్వాహకులు తెలిపారు. మరో రెండు రోజులపాటు ఈ సర్వీసులు అందుబాటులో ఉండనున్నాయి. కాజీపేట ఫాతిమానగర్ సెయింట్ గ్యాబ్రియేల్ స్కూల్ గ్రౌండ్నుంచి హెలికాప్టర్రైడ్ మొదలవుతుంది.
