- రాష్ట్రంలో ఎక్కడ చూసినా కష్టాలు, కన్నీళ్లే: ఆర్ఎస్ ప్రవీణ్కుమార్
హైదరాబాద్, వెలుగు: మాయావతి నాయకత్వంలో తెలంగాణలోని ప్రతి ఒక్కరికీ బీఎస్పీ చేరువైందని ఆ పార్టీ రాష్ట్ర అధ్యక్షుడు ఆర్ఎస్ ప్రవీణ్ కుమార్ అన్నారు. ‘‘మొట్టమొదటిసారిగా హైదరాబాద్ గడ్డ మీద తెలంగాణ ప్రభుత్వంపై బీఎస్పీ దావా వేస్తున్నది. కేసీఆర్.. దమ్ముంటే దానిని ఆపు’’ అని సవాల్ విసి రారు. రజాకార్లు, గడీల పాలనపై పోరాడిన గడ్డ.. రైతాంగ సాయుధ పోరాట గడ్డ.. తెలంగాణ అని అన్నారు. ‘‘అలాంటి తెలంగాణలో ఇప్పుడు ఎక్కడ చూసినా కష్టాలు, కన్నీళ్లు, బాధలే ఉన్నయ్. మా సీఎం ఎవరో ఇంత వరకు చూడలేదు.. మా మంత్రులెవరో చూడలేదు.. మా ఎమ్మెల్యే ఎవరో చూడలేదు అని చా లా మంది నా పాదయాత్రలో నాతో చెప్పుకున్నరు. అమరువీరుల పోరాటంతో వచ్చిన తెలంగాణను కేవలం ఒక్క కుటుంబానికే పరిమితం చేసుకున్నరు. ఆ కుటుంబమే తెలంగాణను కబ్జా చేసింది. భూములు, రోడ్లను కబ్జా పెట్టారు. ఎక్కడ చూసినా దౌర్జన్యాలు, కుంభకోణాలే ఉన్నాయి’’ అని మండిపడ్డారు.
ఆదివారం సరూర్నగర్లో జరిగిన ‘తెలంగాణ భరోసా’ సభలో ప్రవీణ్కుమార్ మాట్లాడారు. బీఎస్పీ భయంతోనే నగరం నడిబొడ్డున నిలువెత్తు అంబేద్కర్ విగ్రహాన్ని కేసీఆర్ పెట్టారని అన్నారు. ‘‘ఏనాడూ అంబేద్కర్ జయంతి నాడు ఆయన విగ్రహానికి దండ వేయని సీఎం.. ప్రగతి భవన్ నుంచి బయటకు రాని సీఎం.. ప్రగతిభవన్లో అంబేద్కర్ విగ్రహం పెట్టని సీఎం.. రాజ్యాంగాన్ని మారుస్తానన్న సీఎం.. బీఎస్పీ దెబ్బకు బేహోష్ అయ్యిండు. అందుకే ఆగమేఘాల మీద సెక్రటేరియెట్కు అంబేద్కర్ పేరు, ఆ పక్కనే అంబేద్కర్ విగ్రహం పెట్టిండు. పేరుకే వాటిని పెట్టినా.. ఒక దళిత ఆడబిడ్డ చీఫ్ సెక్రటరీ కాకుండా అడ్డుకున్నడు. రాష్ట్రంలో అవినీతి విపరీతంగా పెరిగిపోయింది. దళితబంధులో ఒక్కొక్క లబ్ధిదారు నుంచి ప్రతి ఎమ్మెల్యే రూ.3 లక్షల కమీషన్ తీసుకున్నరని స్వయానా సీఎం చెప్పిండు. కేసీఆర్కు దమ్ముంటే వారి చిట్టాను ఏసీబీకి ఇవ్వాలి’’ అని ఆయన డిమాండ్ చేశారు.
ఉద్యోగాలను అమ్ముకున్న దొంగలు
రైతులకు కేసీఆర్ ఒరగబెట్టిందేమీ లేదని ప్రవీణ్ కుమార్ ఫైరయ్యారు. ‘‘అకాల వర్షాలతో రైతులు నష్టపోతే.. కేసీఆర్ ప్రగతి భవన్లో మహారాష్ట్ర వ్యక్తికి ఏడాదికి రూ.18 లక్షల జీతంతో ప్రైవేటు సెక్ర టరీ ఉద్యోగమిచ్చిండు. ప్రగతి భవన్ నుంచి ఫామ్హౌస్కు.. ఫామ్హౌస్ నుంచి ప్రగతి భవన్కు వచ్చిపో వడానికే కేసీఆర్ రూ.79 కోట్ల ప్రజాధనాన్ని దుర్వినియోగం చేస్తున్నడు. నిరుద్యోగులు ఉద్యోగం కోసం రాత్రింబవళ్లు కష్టపడుతుంటే.. పబ్లిక్ సర్వీస్ కమిషన్లో దొడ్డిదారిన రూ.10 లక్షల నుంచి రూ.కోటికి ఉద్యోగాలను అమ్ముకున్న దొంగలు ఈ బీఆర్ఎస్ నేతలు’’ అని ఫైర్ అయ్యారు. పచ్చగా ఉన్న తెలంగాణలో మత కల్లోలాలు సృష్టించాలని బీజేపీ నేతలు కుట్రలు పన్నుతున్నారని ఆయన ఆరోపించారు.
నిజాలు చెప్పే మీడియాపై ఆంక్షలేంది?
నిజాలు చెప్పే.. నిజాలు చూపించే పత్రికలు, మీడియాను సెక్రటేరియెట్లో అడుగుపెట్టనివ్వట్లేదని సీఎం కేసీఆర్పై ఆర్ఎస్ ప్రవీణ్ కుమార్ మండిపడ్డారు. వాటికి అడ్వర్టైజ్మెంట్లు ఇవ్వొద్దంటూ కుట్రలు చేస్తున్నారని అన్నారు. ‘‘నెలకు కేవలం రూ.20 వేల జీతం తీసుకునే ఆర్టిజన్ కార్మికులు తమ డిమాండ్ల కోసం కొట్లాడుతుంటే ఎస్మా ప్రయోగించిన్రు. కానీ, నెలకు రూ.4.25 లక్షల జీతాన్ని ఫస్ట్ తారీఖు నాడే సీఎం తీసుకుంటున్నడు. పోలీసులకు మాత్రం 13న ఇస్తున్నడు. మరి ఎవరి మీద ఎస్మా పెట్టాలె? ఇట్లాంటి ముఖ్యమంత్రి మనకు కావాల్నా?’’ అని ప్రవీణ్ కుమార్ ప్రశ్నించారు. ‘‘సరూర్నగర్ సభ.. దొరల గడీల్లో ఉన్న పాలకులకు ముచ్చెమటలు పట్టిస్తున్నది” అని బీఎస్పీ స్పోక్స్పర్సన్ వెంకటేశ్ చౌహాన్ అన్నారు.
