- కేసీఆర్ అబద్ధాలను ప్రజలు నమ్మరు
- కాంగ్రెస్ కిసాన్ సెల్ జాతీయ ఉపాధ్యక్షుడు కోదండ రెడ్డి
హైదరాబాద్, వెలుగు : తెలంగాణ చరిత్రను కేసీఆర్ వక్రీకరిస్తున్నారని, ప్రజలు ఆ అబద్ధాలను నమ్మేంత అవివేకులు కాదని కిసాన్ కాంగ్రెస్ జాతీయ ఉపాధ్యక్షుడు కోదండ రెడ్డి అన్నారు. చంద్రబాబు మంత్రి పదవి ఇవ్వలేదని తెలంగాణ సెంటిమెంట్ పేరుతో పార్టీ పెట్టుకున్న దిక్కుమాలిన చరిత్ర కేసీఆర్ది అని మండిపడ్డారు. శుక్రవారం గాంధీ భవన్లో మీడియాతో ఆయన మాట్లాడారు. 2004లో తెలంగాణ సెంటిమెంట్ను బలపరిచేందుకు టీఆర్ఎస్తో కాంగ్రెస్ పొత్తుపొట్టుకొని కేంద్ర, రాష్ట్ర ప్రభుత్వాల్లో భాగస్వామిగా చేర్చుకున్నామన్నారు.
తర్వాత తన స్వార్థం కోసం ప్రభుత్వం నుంచి తప్పుకొని యువతను రెచ్చగొట్టి వందల మందిని కేసీఆర్ బలిగొన్నారని మండిపడ్డారు. పదేండ్లు అధికారంలో ఉన్న కేసీఆర్ ఏమీ చేయలేక చరిత్రను వక్రీకరిస్తున్నారన్నారు.
