లడ్కా ఖేల్ రహా హై: క్రాంతి గౌడ్‌పై పాక్ ఫ్యాన్స్ సెక్సిస్ట్ కామెంట్స్.. విజయంతో భారత్ కౌంటర్!

Ladka Khel Raha Hai: భారత్, పాకిస్థాన్ మహిళల జట్ల మధ్య జరిగిన హై-వోల్టేజ్ మ్యాచ్‌లో పాక్ అభిమానులు తమ వికృత చేష్టలతో వార్తల్లో నిలిచారు. బౌండరీ లైన్ సమీపంలో ఫీల్డింగ్ చేస్తున్న భారత యువ మహిళా ఫాస్ట్ బౌలర్ క్రాంతి గౌడ్ (Kranti Gaud) రూపాన్ని ఉద్దేశించి దాయాది అభిమానులు హేళన చేశారు. లడ్కా ఖేల్ రహా హై.. లడ్కా.. ఓయ్ లడ్కే ఇధర్ ఆ (అబ్బాయి ఆడుతున్నాడు.. ఒరేయ్ అబ్బాయి ఇటు రా) అంటూ అసభ్యకరమైన వ్యాఖ్యలు చేస్తూ మైండ్ గేమ్ ఆడేందుకు ప్రయత్నించారు. క్రీడా స్ఫూర్తిని పక్కనపెట్టి భారత ఆటగాడిని మానసికంగా దెబ్బతీయడమే లక్ష్యంగా గ్యాలరీ నుంచి అరవడం గమనార్హం.

సైలెంట్‌గా సమాధానమిచ్చిన క్రాంతి గౌడ్: 

పాక్ మద్దతుదారుల గేలింపులను ఏమాత్రం పట్టించుకోని క్రాంతి గౌడ్, తన దృష్టిని పూర్తిగా ఆటపైనే నిలిపింది. భారత ఆటగాళ్లు వారి వ్యాఖ్యలకు ఎలాంటి రియాక్షన్ ఇవ్వకుండా ప్రశాంతంగా తమ బాధ్యతలను నెరవేర్చారు. మ్యాచ్ ముందుకు కొనసాగుతున్న కొద్దీ పాక్ ఫ్యాన్స్ ఆశలపై టీమిండియా బౌలర్లు నీళ్లు చల్లారు. క్రాంతి గౌడ్‌తో పాటు మిగిలిన భారత బౌలింగ్ యూనిట్ కట్టుదిట్టమైన లైన్ అండ్ లెంగ్త్‌తో విరుచుకుపడటంతో పాకిస్థాన్ బ్యాటింగ్ లైనప్ తీవ్ర ఒత్తిడిలోకి వెళ్లిపోయింది.

పాక్ ఫ్యాన్స్ నోళ్లు మూయించిన భారత్: 

భారత్‌ను ట్రోల్ చేయాలని చూసిన పాకిస్థాన్ అభిమానులకు తమ జట్టు బ్యాటింగ్ వైఫల్యం పిడుగులా మారింది. ఇండియన్ బౌలర్ల ధాటికి తాళలేక పాక్ మహిళల జట్టు కేవలం 55 పరుగులకే ఆలౌటైంది. అంతసేపు మైదానంలో విర్రవీగిన పాక్ అభిమానులకు ఈ దారుణ పతనం మింగుడుపడలేదు. సీరియస్‌గా మ్యాచ్ ఆడుతున్న క్రీడాకారిణిని తక్కువ అంచనా వేసి హేళన చేసిన పాకిస్థాన్ ఆడియన్స్ నోళ్లను భారత బౌలింగ్ విభాగం మైదానంలో సంపూర్ణంగా మూయించింది.

గ్యాలరీలో తిరగబడిన ట్రోలింగ్: 

56 పరుగుల అత్యల్ప లక్ష్యంతో బరిలోకి దిగిన భారత జట్టు కేవలం 8.4 ఓవర్లలో 7 వికెట్ల తేడాతో సునాయాసంగా విజయాన్ని సాధించింది. దీంతో టీమిండియా ప్లేయర్‌ను ట్రోల్ చేయాలని చూసిన పాకిస్థాన్ అభిమానులకు కోలుకోలేని పరాభవం ఎదురైంది. సోషల్ మీడియాలో సైతం పాక్ ఫ్యాన్స్ నీచమైన వైఖరిపై తీవ్రస్థాయిలో విమర్శలు వ్యక్తమవుతున్నాయి. మైదానంలో తమ ప్రదర్శనతోనే బదులిచ్చిన ఇండియన్ టీమ్, మ్యాచ్‌తో పాటు అభిమానుల మనసులను గెలుచుకుంది.

“𝗟𝗮𝗱𝗸𝗮 𝗸𝗵𝗲𝗹 𝗿𝗮𝗵𝗮 𝗵𝗮𝗶… 𝗹𝗮𝗱𝗸𝗮. 𝗢𝘆𝗲 𝗹𝗮𝗱𝗸𝗲, 𝗶𝗱𝗵𝗮𝗿 𝗮𝗮!” — Pakistani fans 😭

Pakistani fans kept trolling Kranti Gaud by calling her “BOY” during the India Women vs Pakistan Women match.

Meanwhile, their own team got bowled out for just 55 runs.… pic.twitter.com/QxyRGdmzJc

— Mukku (@Cric_Mukku) September 6, 2026