పద్మారావునగర్, వెలుగు: సికింద్రాబాద్ తిరుమలగిరిలో రూ. 1.50 కోట్లతో నిర్మించిన అత్యాధునిక లైబ్రరీని ఎమ్మెల్యే శ్రీగణేశ్, రాష్ట్ర గ్రంథాలయ సంస్థ చైర్మన్ డాక్టర్ రియాజ్తో కలిసి శుక్రవారం ప్రారంభించారు. సీఎం రేవంత్ రెడ్డి నాయకత్వంలోని ప్రజా ప్రభుత్వం విద్యకు పెద్దపీట వేస్తూ, నిరుద్యోగుల కోసం వరుస నోటిఫికేషన్లు ఇస్తోందన్నారు. అన్ని రకాల పోటీ పరీక్షలకు అవసరమైన ప్రామాణిక పుస్తకాలు ఇక్కడ అందుబాటులో ఉంటాయని, యువత ఈ అవకాశాన్ని సద్వినియోగం చేసుకోవాలని వారు సూచించారు. జిల్లా గ్రంథాలయ సంస్థ చైర్మన్ శ్రీనివాస్ రెడ్డి, ఇతర అధికారులు పాల్గొన్నారు.
