ఆర్సీబీని మడతబెట్టిన మార్ష్.. బెంగళూర్ పై లక్నో గెలుపు

•  సెంచరీతో కదం తొక్కిన మిచెల్ ​మార్ష్​
•     రాయల్స్​కు వరుసగా రెండో ఓటమి
•     పలుమార్లు వర్షంతో మ్యాచ్​కు అంతరాయం

లక్నో: సొంతగడ్డపై లక్నో సూపర్ జెయింట్స్ విశ్వరూపం ప్రదర్శించింది. గురువారం ఎకానా స్టేడియంలో బెంగళూరుతో జరిగిన మ్యాచ్‌‌లో మిచెల్ మార్ష్ ఆకాశమే హద్దుగా చెలరేగాడు. దీంతో లక్నో భారీ స్కోరు సాధించింది. వర్షం కారణంగా 19 ఓవర్లకు కుదించిన ఈ మ్యాచ్‌‌లో మార్ష్  కేవలం (56 బంతుల్లోనే 9 ఫోర్లు, 9 సిక్సర్లతో 111) పరుగులు చేశాడు. నికోలస్​పూరన్​(23 బంతుల్లో 4 ఫోర్లు,1 సిక్స్​తో 38) రాణించాడు. చివర్లో కెప్టెన్ రిషబ్ పంత్ (10 బంతుల్లో 32 నాటౌట్) మెరుపులు తోడవడంతో లక్నో 3 వికెట్ల నష్టానికి 209 పరుగుల భారీ స్కోరును నమోదు చేసింది. కానీ డక్​వర్త్ ​లూయిస్ ​ప్రకారం టార్గెట్​ను 213గా నిర్ణయించారు. అనంతరం లక్ష్య ఛేదనకు దిగిన బెంగళూరుకు ఆదిలోనే గట్టి షాక్ తగిలింది. స్టార్ బ్యాటర్ విరాట్ కోహ్లీ డకౌట్‌‌గా వెనుదిరగడంతో ఆర్సీబీ పీకల్లోతు కష్టాల్లో పడింది. ఈ క్రమంలో పాటిదార్ ​(31 బంతుల్లో 3 ఫోర్లు, 6 సిక్సర్లతో 61), టిమ్ ​డేవిడ్​(17 బంతుల్లో 4 ఫోర్లు, 3 సిక్స్​లతో 40)​, పడిక్కల్​(25 బంతుల్లో 3 ఫోర్లు, 1 సిక్స్​తో 34) రాణించారు. లక్నో బౌలర్లలో ప్రిన్స్​యాదవ్​33 పరుగులు ఇచ్చి 3 వికెట్లు తీశాడు. దీంతో ఆర్సీబీ 19 ఓవర్లలో 6 వికెట్లు కోల్పోయి 203 పరుగులు మాత్రమే చేసింది. లక్నో 9 పరుగులతో గెలిచి ప్లే ఆఫ్ ఆశలు సజీవంగా నిలుపుకుంది. ' ప్లేయర్​ ఆఫ్​ ద మ్యాచ్ ' మిచెల్ ​మార్ష్ కు దక్కింది. ​

సెంచరీతో అలరించిన మార్ష్​

టాస్​ఓడి బ్యాటింగ్ ​చేపట్టిన లక్నోకు ఓపెనర్లు మిచెల్​మార్ష్​, కులకర్ణి శుభారంభాన్నిచ్చారు. మార్ష్​'అటాకింగ్'​ చేయగా కులకర్ణి నిలకడగా ఆడాడు. హేజిల్​వుడ్​ వేసిన రెండో ఓవర్​ మొదటి బంతిని మార్ష్​సిక్స్​ కొట్టాడు. అనంతరం వర్షం కారణంగా మ్యాచ్​ఆగిపోయింది. కొద్దిసేపటికి ప్రారంభం కావడంతో అదే ఓవర్​ఐదో బంతిని మళ్లీ సిక్స్​గా మలిచాడు. ఆర్సీబీ బౌలర్లందరినీ మార్ష్​ఊచకోత కోశాడు. సిక్స్​లు, ఫోర్లతో స్టేడియంలో పరుగుల వరద పారించాడు. కేవలం 20 బంతుల్లోనే హాఫ్​ సెంచరీ కంప్లీట్ ​చేశాడు. దీంతో లక్నో పవర్ ​ప్లే ముగిసేసరికి వికెట్​కోల్పోకుండా 68 పరుగులు చేసింది. అనంతరం కులకర్ణి (17) పాటిదార్​కు క్యాచ్​ఇచ్చి వెనుదిరిగాడు.  ఓపెనర్లు ఇద్దరూ కలిసి 56 బంతుల్లో 95 పరుగుల భాగస్వామ్యం నెలకొల్పారు. దీంతో మొదటి 10 ఓవర్లు ముగిసేసరికి లక్నో ఒక వికెట్​కోల్పోయి 98 పరుగులు చేసింది. అనంతరం క్రీజులోకి వచ్చిన నికోలస్ ​పూరన్, మార్ష్​తో జతకట్టాడు. ఆర్సీబీ ఫీల్డర్లను, బౌలర్లను పరుగులు పెట్టిస్తున్న మార్ష్​​49 బంతుల్లో సెంచరీ పూర్తి చేశాడు. హేజిల్​వుడ్ ​వేసిన 16 ఓవర్​ మొదటి బంతిని జాకబ్​బెతెల్​కు క్యాచ్​ఇచ్చి మార్ష్​(56 బంతుల్లో111) అవుటయ్యాడు. మార్ష్, పూరన్​ కేవలం 41 బంతుల్లో 70 పరుగులు జోడించారు. అనంతరం సలామ్​దార్​ వేసిన 18  ఓవర్​లో కృనాల్​కు క్యాచ్​ ఇచ్చి పూరన్​(23 బంతుల్లో 38) వెనుదిరిగాడు. ఇదే ఓవర్​లో కెప్టెన్​ రిషబ్​ పంత్​(10 బంతుల్లో32) మూడు, నాలుగు బంతులను ఫోర్లు కొట్టగా చివరి బంతిని సిక్స్​గా మలిచాడు. దీంతో లక్నో  నిర్ణీత 19 ఓవర్లు ముగిసేసరికి 3 వికెట్లు కోల్పోయి 209 పరుగులు చేసింది. కృనాల్, హేజిల్​వుడ్, రసిక్​సలాం తలా ఒక వికెట్ తీశారు. కాగా వర్షం కారణంగా ఆటను 19 ఓవర్లకు కుదించారు.

ఆదిలోనే ఎదురుదెబ్బ

భారీ లక్ష్యంతో బరిలోకి దిగిన ఆర్సీబీకి ఆదిలోనే ఎదురుదెబ్బ తగిలింది. మహ్మద్​షమీ వేసిన తొలి ఓవర్​ ఐదో బంతికి బెతెల్​(4) ప్రిన్స్​యాదవ్​కు క్యాచ్​ఇచ్చి వెనుదిరిగాడు. అనంతరం ప్రిన్స్​బౌలింగ్​లో ​విరాట్​కోహ్లీ బోల్డ్​అయ్యాడు. దీంతో ఆర్సీబీ 2ఓవర్లకు 2 వికెట్లు కోల్పోయి 17 పరుగులు చేసింది. ఓపెనర్లు అవుటయ్యాక క్రీజులోకి వచ్చిన దేవదత్​పడిక్కల్, కెప్టెన్​రజత్​పాటిదార్​ఆచితూచి ఆడడం మొదలెట్టారు. చెత్త బంతులను ఫోర్లు, సిక్స్​లుగా మలుస్తూ నిలకడగా ఆడారు. పవర్​ప్లే ముగిసేసరికి ఆర్సీబీ 2 వికెట్లు కోల్పోయి 45 పరుగులు చేసింది. అనంతరం ఇద్దరు ధాటిగా ఆడడం ప్రారంభించారు. ఈ క్రమంలో పాటిదార్​26 బంతుల్లో హాఫ్​సెంచరీ పూర్తి చేశాడు.  మొదటి 10 ఓవర్లకు ఆర్సీబీ 2 వికెట్ల నష్టానికి 104 పరుగులు చేసింది. ఇదే క్రమంలో ప్రిన్స్​యాదవ్​ బైలింగ్​లో అతడికే క్యాచ్​ఇచ్చి పడిక్కల్​(25 బంతుల్లో 3 ఫోర్లు, 1 సిక్స్​తో 34) అవుటయ్యాడు. అనంతరం ఇదే ఓవర్​లో జితేశ్​శర్మ (1) వెంటనే అవుటయ్యాడు. షహబాజ్​వేసిన 12 ఓవర్లో మార్కమ్స్​కు క్యాచ్​ ఇచ్చి పాటిదార్​(31 బంతుల్లో 3 ఫోర్లు, 6 సిక్సర్లతో 61) పెవిలియన్​చేరాడు. పాడిక్కల్, పాటిదర్​కలిసి 53 బంతుల్లో 95 పరుగుల భాగస్వామ్య్యం నెలకొల్పారు. 

ఆశలు రేపిన టిమ్​డేవిడ్​

ఒక దశలో టిమ్​డేవిడ్ వేగంగా ఆడడం ప్రారంభించాడు.  వరుసగా సిక్స్​లు, ఫోర్లతో చెలరేగాడు. మయాంక్​వేసిన 15 ఓవర్​లో 17 పరుగులు రాబట్టాడు. అనంతరం షహబాజ్​బౌలింగ్​లో భారీ షాట్​కు యత్నించిన టిమ్​(17 బంతుల్లో 4 ఫోర్లు, 3 సిక్స్​లతో 40)​  దిగ్వేశ్​కు క్యాచ్​ఇచ్చి వెనుదిరిగాడు. ఆర్సీబీ విజయానికి చివరి ఓవర్​లో 20 పరుగులు అవసరం కాగా కృనాల్ (28), షెఫర్డ్ (23) జట్టును విజయ తీరాలకు చేర్చలేకపోయారు. దిగ్వేశ్​వేసిన ఈ ఓవర్​లో కేవలం 10 పరుగులు మాత్రమే వస్తాయి. దీంతో ఆర్సీబీ 19 ఓవర్లకు 6 వికెట్లు కోల్పోయి 203 పరుగులు మాత్రమే చేయగలిగింది. దీంతో లక్నో 9 పరుగుల తేడాతో విజయం సాధించింది.  ప్లేఆఫ్ ఆశలు సజీవంగా ఉండాలంటే తప్పక గెలవాల్సిన మ్యాచ్‌‌లో లక్నో ఆటగాళ్లు సమష్టిగా రాణించి గెలిశారు. 
సంక్షిప్ల స్కోరు:

లక్నో: 19 ఓవర్లలో డక్​వర్త్​ప్రకారం 213/3 
( మిచెల్​మార్ష్​111, పూరన్​38, పంత్​32)
బెంగళూరు: 19 ఓవర్లలో 203/6 (పాటిదార్​61, టిమ్​డేవిడ్​40, ప్రిన్స్​యాదవ్​33/3)