హైదరాబాద్, వెలుగు : గ్రాడ్యుయేట్ ఎమ్మెల్సీ ఎన్నికల్లో బీఆర్ ఎస్ అభ్యర్థి బిట్స్ పిలానీ స్టూడెంట్అని, కాంగ్రెస్ అభ్యర్థి పల్లీ బఠానీ అంటూ కేటీఆర్చేసిన కామెంట్స్పై పీసీసీ వైస్ ప్రెసిడెంట్ మల్లు రవి ఫైరయ్యారు. ఆయన వ్యాఖ్యలను వెంటనే వెనక్కి తీసుకోవాలని డిమాండ్ చేశారు. బిట్స్ పిలానీ అభ్యర్థి అయితే అక్కడికే వెళ్లి ఓట్లు అడగాలని సూచించారు.
శనివారం గాంధీ భవన్ లో మల్లు రవి మీడియాతో మాట్లాడారు. బిట్స్ పిలానీలో చదివినోళ్లే గ్రాడ్యుయేట్లా? మిగతా వాళ్లు కాదా అని ప్రశ్నించారు. కేటీఆర్ కామెంట్లతో గ్రాడ్యుయేట్లపై ఆ పార్టీ వైఖరి తెలిసిపోయిందన్నారు. మల్లన్నను గెలిపిస్తే గ్రాడ్యుయేట్ల సమస్యలను కౌన్సిల్ లో ప్రస్తావిస్తారన్నారు. అన్ని పార్టీలు మల్లన్ననే గెలిపించాలని తీర్మానించాయని గుర్తు చేశారు.
కేటీఆర్ వ్యాఖ్యలపై చర్యలు తీసుకోవాలని ఈసీ సీఈవో వికాస్ రాజ్ కు మల్లు రవి ఫిర్యాదు చేశారు. ఈ మేరకు శనివారం బీఆర్ కే భవన్ లో సీఈవోను కలిశారు. కేటీఆర్ వ్యాఖ్యలు కోడ్ ఉల్లంఘన కిందకు వస్తాయని ఫిర్యాదులో పేర్కొన్నారు.
Mallu Ravi's complaint to EC against KTR
