నందిపేట, వెలుగు: నిమజ్జనం చేసిన గణపతుల కింద ఉండే ఇనుప స్టాండ్లను తీయడానికి వెళ్లి మండల కేంద్రానికి చెందిన షేక్హుస్సేన్(57) అనే వ్యక్తి నీట మునిగి చనిపోయాడు. ఎస్ఐ రాహుల్తెలిపిన ప్రకారం ఆదివారం ఇంటి నుంచి బయలు దేరిన హుస్సేన్ మండల కేంద్రంలోని ఊర చెరువులో విగ్రహాల కింద ఉండే ఇనుప రాడ్లను తీసుకునేందుకు చెరువులో దిగాడు. రాడ్లు తీసే క్రమంలో కాలు ఇరుక్కుపోవడంతో ఊపిరాడక నీట మునిగి చనిపోయాడు.
సోమవారం ఉదయం శవం నీటిపై తేలింది. మృతుడి భార్య ఖాదర్బీ ఫిర్యాదు మేరకు కేసు నమోదు చేసి, శవాన్ని పోస్టుమార్టానికి తరలించినట్లు ఎస్ఐ తెలిపారు.
