నారాయణపేట, వెలుగు: బాలసదన్ ను పరిశుభ్రంగా ఉంచి పిల్లలకు ఇంటి వాతావరణం కల్పించాలని అడిషనల్ కలెక్టర్ మయాంక్ మిత్తల్ ఆదేశించారు. ఆదివారం పట్టణంలోని బాలసదన్, వృద్ధాశ్రమాలను సందర్శించారు.
బాలసదన్లో వసతి ఏర్పాట్లను పరిశీలించారు. వృద్ధాశ్రమంలో వృద్ధులకు కల్పిస్తున్న సౌలతులు, భోజన వసతి ఏర్పాట్లపై వివరాలు అడిగి తెలుసుకున్నారు. ప్రభుత్వం కల్పించే అన్ని సౌలతులు అందించాలని ఆదేశించారు. అనంతరం చిన్నారులతో కలిసి భోజనం చేశారు.
