- సర్కారు ఆమ్దానీ పడిపోయింది
- ఇప్పటికే డిపార్ట్మెంట్లకు కేటాయింపులు ఆగినయ్
- సన్న వడ్లకు బోనస్పైసీఎం నుంచి క్లారిటీ రాలేదు
- నిర్మల్ జడ్పీ మీటింగ్లో మంత్రి ఇంద్రకరణ్రెడ్డి
నిర్మల్, వెలుగు: ‘‘ప్రభుత్వ ఉద్యోగుల జీతాలే ఆగుతన్నయ్.. ఇంక గొర్లు కొనియ్యాలంటే ఎట్ల?’’ అని గొర్ల పంపిణీ గురించి అడిగిన జడ్పీటీసీ మెంబర్లపై మంత్రి ఇంద్రకరణ్రెడ్డి అసహనం వ్యక్తం చేశారు. కరోనాకు ముందు రాష్ట్రానికి ప్రతి నెలా రూ. 15 వేల కోట్ల చొప్పున ఇన్కం వచ్చేదని, ఏప్రిల్, మే నెలల్లో కలిపి రూ. 1,500 కోట్లు కూడా రాలేదన్నారు. ఇలాంటి పరిస్థితుల్లో అన్నీ కావాలంటే ఎట్ల? అని ప్రశ్నించారు. నిర్మల్లోని ఓ ఫంక్షన్‍హాల్‍లో సోమవారం జడ్పీ చైర్‍పర్సన్‍ విజయలక్ష్మి అధ్యక్షతన జరిగిన జడ్పీ మీటింగ్కు మంత్రి ఇంద్రకరణ్రెడ్డి హాజరయ్యారు. ఈ సందర్భంగా పలువురు జడ్పీటీసీ మెంబర్స్ వివిధ సమస్యలను ఆయన దృష్టికి తెచ్చారు. జిల్లావ్యాప్తంగా గొర్ల కాపరులు డీడీలు తీసి, గొర్రెల కోసం ఎదురుచూస్తున్నారని, మొదటి విడత గొర్రెలే ఇంకా రాలేదని, రెండో విడత ఎప్పుడిస్తారో తెలియక ఆందోళన చెందుతున్నారని చెప్పారు.
దీనికి స్పందించిన మంత్రి ఇంద్రకరణ్రెడ్డి.. ప్రభుత్వ ఆదాయం పడిపోయిందని, ప్రభుత్వ ఉద్యోగుల జీతాలే ఆగుతుంటే గొర్లు కొనియ్యాలంటే ఎట్ల అని ఎదురు ప్రశ్నించారు. ప్రస్తుతానికి రైతులకు ఎలాంటి ఇబ్బంది లేకుండా చూస్తున్నామని, పెట్టుబడి సాయం, విత్తనాలు, ఫెర్టిలైజర్స్ అందిస్తున్నామని తెలిపారు. దీంతో వేరే డిపార్ట్మెంట్లకు కేటాయింపులు ఆగాయని చెప్పారు. సన్న రకం వడ్లకు రూ. 150 చొప్పున అదనంగా బోనస్ ఇస్తామని ఇటీవల సీఎం కేసీఆర్ ఇచ్చిన హామీని మంత్రి దృష్టికి ఓ జడ్పీటీసీ తీసుకురాగా.. దానిపై సీఎం నుంచి ఇంకా ఎలాంటి క్లారిటీ లేదని ఆయన చెప్పారు. సన్న రకానికి ఇన్సెంటివ్ ఇస్తే ఎఫ్సీఐ కొనుగోలు చేయదని ఇంద్రకరణ్రెడ్డి వ్యాఖ్యానించారు.
