వన్యప్రాణుల సంరక్షణలో.. దేశానికే తెలంగాణ ఆదర్శం..అధికారులు నిబద్ధతతో పనిచేయాలి: మంత్రి కొండా సురేఖ

• పులుల కదలికలను పర్యవేక్షించేందుకు అరణ్య భవన్​లో ‘టైగర్ ప్రొటెక్షన్ సెల్’ ప్రారంభం  

హైదరాబాద్, వెలుగు: టెక్నాలజీని ఉప‌‌‌‌‌‌‌‌యోగించి వన్య ప్రాణులను సంరక్షించడంలో తెలంగాణ దేశానికే ఆదర్శంగా నిలిచింద‌‌‌‌‌‌‌‌ని మంత్రి కొండా సురేఖ అన్నారు. దేశంలోనే మొదటి సారి అరణ్య భవన్​లో ఏర్పాటు చేసిన ‘టైగర్ ప్రొటెక్షన్ సెల్’ను మంగళవారం సెక్రటేరియెట్​నుంచి మంత్రి ఆన్ లైన్ ద్వారా ప్రారంభించారు. ఈ సందర్భంగా వన్యప్రాణి భద్రత టీమ్​ను మంత్రి అభినందించారు. ఈ నెల 28న ఐసీసీసీలో నిర్వహించే తెలంగాణ రైజింగ్ కార్యక్రమంలో సీఎం రేవంత్ రెడ్డికి ఈ అంశాన్ని తెలియజేస్తానని చెప్పారు. 

అటవీ శాఖ, జూ అధికారులు, సిబ్బంది వన్యప్రాణుల రక్షణ కోసం నిబద్ధతతో పనిచేయాలని సూచించారు. వన్యప్రాణుల భద్రత, ప్రజల రక్షణకు కొత్తగా హైటెక్ టైగర్ మానిటరింగ్ సెల్, కమాండ్ హబ్ ఏర్పాటైందన్నారు.. హైదరాబాద్​లోని స్టేట్ కమాండ్ సెంటర్‌‌‌‌‌‌‌‌, మన్ననూరు (అమ్రాబాద్ టైగర్ రిజర్వ్), మంచిర్యాల (కవ్వాల్​ టైగర్ రిజర్వ్)లోని కొత్త రీజినల్ సెంటర్లు జత చేసిన‌‌‌‌‌‌‌‌ట్లు అధికారులు మంత్రికి తెలిపారు.  

టైగర్ మానిటరింగ్ సెల్ అడవులను సురక్షితం చేస్తుందని, సిబ్బందికి మద్దతు ఇస్తుందని, రాష్ట్రంలో వన్యప్రాణుల భవిష్యత్తును కాపాడుతుందన్నారు. ఈ కార్యక్రమంలో  పీసీసీఎఫ్ డాక్టర్ సువర్ణ, వైల్డ్‌‌‌‌‌‌‌‌లైఫ్ చీఫ్ వార్డెన్ ఈలు సింగ్ మేరు, డైరెక్టర్ సునీల్ తదితర అధికారులు పాల్గొన్నారు.

నెహ్రూ జూ పార్కుకు ఐఎస్ఓ సర్టిఫికేషన్

హైదరాబాద్ నెహ్రూ జూలాజికల్ పార్కుకు ఐఎస్ఓ 9001:2015 సర్టిఫికేషన్ వచ్చింది. మంగళవారం సచివాలయంలో సర్టిఫికేషన్​ను మంత్రి కొండా సురేఖ.. నెహ్రూ జులాజిక‌‌‌‌‌‌‌‌ల్ క్యూరేటర్ వసంతకు అందజేశారు.