అశ్వారావుపేట, వెలుగు : రాష్ట్రంలోనే అశ్వారావుపేట మున్సిపాలిటీని అభివృద్ధిలో అగ్రగామిగా నిలపాలని మంత్రి పొంగులేటి శ్రీనివాసరెడ్డి నూతన పాలకవర్గ సభ్యులకు సూచించారు. స్థానిక ఎమ్మెల్యే జారే ఆదినారాయణ ఆధ్వర్యంలో అశ్వారావుపేట మున్సిపల్చైర్ పర్సన్ జూపల్లి శశికళ, వైస్ చైర్ పర్సన్ జూపల్లి రమేశ్ సోమవారం హైదరాబాద్ లోని రెవెన్యూశాఖ మంత్రి పొంగులేటి శ్రీనివాస్ రెడ్డిని ఆయన నివాసంలో మర్యాదపూర్వకంగా కలిశారు.
ఈ సందర్భంగా జూపల్లి దంపతులను మంత్రి శాలువాతో సత్కరించారు. అనంతరం ఆయన మాట్లాడుతూ ప్రజా అవసరాలను దృష్టిలో ఉంచుకొని ప్రతిఒక్కరిని కలుపుకొని పోవాలని సూచించారు. ప్రభుత్వ సంక్షేమ పథకాలను ప్రతి ఇంటికి చేరవేసేలా ప్రణాళికలను రూపొందించుకోవాలని తెలిపారు.
