ఫుట్‌బాల్‌ను అమ్మడం లేదు.. UEFA, CONCACAF వ్యతిరేకించినా వెనక్కి తగ్గేదేలేదన్న ఫిఫా 

FIFA: ప్రపంచకప్ సహా ఇతర టోర్నీల వాణిజ్య హక్కుల్లో ప్రైవేట్ ఇన్వెస్టర్లకు భాగస్వామ్యం కల్పించే ప్రతిపాదనపై తీవ్ర వివాదం కొనసాగుతున్న వేళ అంతర్జాతీయ ఫుట్‌బాల్ సమాఖ్య (FIFA) ఘాటుగా స్పందించింది. తమపై వస్తున్న ఆరోపణలను ఖండిస్తూ.. ఎవరూ ఫుట్‌బాల్‌ను అమ్మడం లేదు.. అలాంటి ఆలోచన ఫిఫాకు ఎప్పటికీ రాదని తేల్చి చెప్పింది. తప్పుడు మీడియా కథనాల వల్లే తమ సంప్రదింపుల ప్రక్రియకు విఘాతం కలిగిందని ఇవాళ ( శుక్రవారం, జులై 31న) విడుదల చేసిన ప్రకటనలో ఫిఫా తెలిపింది.

ఫిఫా ఫార్వర్డ్ ఎంటర్‌ప్రైజ్ ముఖ్య ఉద్దేశాలు: 

* కమర్షియల్ హక్కుల నిర్వహణ: టీవీ ప్రసార హక్కులు, స్పాన్సర్‌షిప్‌లు, టికెట్ల విక్రయాలతో పాటు లైసెన్సింగ్‌లను నిర్వహించడానికి FFE అనే సబ్సిడరీ సంస్థను ఏర్పాటు చేయడం.

* $4.2 బిలియన్ల సేకరణ: FFE సంస్థ మొత్తం విలువను $20 బిలియన్లుగా (సుమారు రూ. 1.6 లక్షల కోట్లు) అంచనా వేసి, అందులో మైనారిటీ (కంట్రోలింగ్ లేని) వాటాలను విక్రయించడం ద్వారా $4.2 బిలియన్లు (సుమారు రూ. 35,000 కోట్లు) సమీకరించాలని ఫిఫా భావిస్తోంది.

* పూర్తి నియంత్రణ ఫిఫా వద్దే: గేమ్ రూల్స్, మ్యాచ్ క్యాలెండర్, టోర్నమెంట్ల నిర్వహణపై 100 శాతం నియంత్రణ ఫిఫా దగ్గరే ఉంటుందని, ఈ నిధుల ద్వారా 211 సభ్య దేశాలకు క్రికెట్/ఫుట్‌బాల్ అభివృద్ధి నిధులు భారీగా పెరుగుతాయని ఫిపా సమర్థించుకుంది.

96 దేశాల వ్యతిరేకత.. ఓటింగ్‌లో ఫిఫా గట్టెక్కేనా?: 

ఈ ప్రతిపాదన ఆమోదం పొంది అమల్లోకి రావాలంటే ఫిఫాలోని మొత్తం 211 సభ్య దేశాలలో కనీసం 106 దేశాల మద్దతు (ఓట్లు) అవసరం. ఇప్పటికే యూరప్‌కు చెందిన UEFA (55 దేశాలు), ఉత్తర/మధ్య అమెరికాకు చెందిన CONCACAF (41 దేశాలు) ఈ ప్లాన్‌ను తీవ్రంగా ఖండించాయి. ఈ రెండు సమాఖ్యలు కలిపితేనే 96 దేశాలు ఫిఫాకు వ్యతిరేకంగా నిలిచాయి. దీంతో ఫిఫాకు కావలసిన 106 ఓట్ల మెజారిటీ సాధించడం అత్యంత కష్టంగా మారింది.
 
ప్రతి సభ్య దేశం వాస్తవాలు తెలుసుకోవాల్సిందే: 

ఏ ఒక్క సమాఖ్య (UEFA) ప్రపంచవ్యాప్తంగా ఉన్న 211 దేశాలకు ప్రతినిధిగా దావా వేయలేదు.. ప్రతీ సభ్య దేశానికి వాస్తవాలను తెలుసుకుని ఓటు వేసే ప్రజాస్వామ్య హక్కు ఉంది అని ఫిఫా అధ్యక్షుడు స్పష్టం చేసింది. యూరప్, అమెరికా ఖండాల దిగ్గజ జట్లు బాయ్‌కాట్ హెచ్చరికలు జారీ చేస్తుండటంతో, రాబోయే రోజుల్లో జరిగే ఈ ఓటింగ్ పై ఫుట్‌బాల్ భవిష్యత్తును మార్చనుంది. 

ALSO READ : ఫిఫాకు మరో షాక్.. యూఈఎఫ్ఏకు కాన్‌కాకాఫ్ మద్దతు..

FIFA Forward Enterprise: What is it? 🤔

Key info you need to know:

— FIFA (@FIFAcom) July 30, 2026