టాలీవుడ్ టాప్ హీరోలు చిరంజీవి, నాగార్జునతో సమావేశం అయ్యారు రాష్ట్ర సినిమాటో గ్రఫీ మంత్రి తలసాని శ్రీనివాస్ యాదవ్. జూబ్లీహిల్స్ లోని చిరంజీవి ఇంట్లో జరిగిన ఈ సమావేశంలో రాష్ట్ర ప్రభుత్వ అధికారులు కూడా పాల్గొన్నారు. సినిమా రంగం అభివృద్ధి కోసం తీసుకోవాల్సిన చర్యలు, సినీ కళాకారులకు ప్రభుత్వ సంక్షేమ పథకాలు అందుతున్న తీరుపై ఈ సమావేశంలో చర్చించారు. గత రెండు రోజుల నుంచి సినీ పెద్దల నుంచి సూచనలు తీసుకుంటోంది ప్రభుత్వం. సినీ కళాకారులకు ప్రభుత్వ సంక్షేమ పథకాలు అందివ్వడం.. థియేటర్ల కొరత, ఆన్ లైన్ టికెటింగ్, షూటింగ్ పర్మిషన్లు, నంది అవార్డులు లాంటి అంశాలపై చర్చించినట్టు సమాచారం.
