- ఎమ్మెల్యే వివేక్ వెంకటస్వామి
- చెన్నూరులో పలు అభివృద్ధి పనులకు శంకుస్థాపన
కోల్బెల్ట్/చెన్నూరు/జైపూర్, వెలుగు : ఎన్నికల సమయంలో చెన్నూరు ప్రజలకు ఇచ్చిన హామీలను ఒక్కొక్కటిగా నెరవేరుస్తున్నట్లు ఎమ్మెల్యే వివేక్ వెంకటస్వామి చెప్పారు. గురువారం చెన్నూరు పట్టణంలోని గోదావరి రోడ్డులో ఉన్న ఎల్లమ్మ గుడి వద్ద రూ.16లక్షలతో నిర్మించే సీసీ రోడ్డుకు, కుమ్మరిబొగుటలో రూ.10లక్షలతో కమ్యూనిటీ హాల్పనులకు, జైపూర్ మండలం గంగిపల్లి గ్రామంలో రూ.50లక్షలతో స్కూల్ బిల్డింగ్ నిర్మాణానికి
మాజీ ఎమ్మెల్యే నల్లాల ఓదెలుతో కలిసి వివేక్ భూమిపూజ చేశారు. చెన్నూరు మున్సిపల్ చైర్పర్సన్అర్చనా గిల్డా, ఉమ్మడి జిల్లా మాజీ జడ్పీ వైస్ చైర్మన్ మూల రాజిరెడ్డి, మున్సిపల్ వైస్ చైర్మన్నవాజోద్దీన్, జైపూర్ ఎంఈఓ రాధాకృష్ణ,లీడర్లు పాల్గొన్నారు.
క్యాతనపల్లి, చెన్నూరు మున్సిపల్ బడ్జెట్ల ఆమోదం
క్యాతనపల్లి మున్సిపల్ పరిధిలోని ఎంఎన్ఆర్ గార్డెన్స్లో, చెన్నూరు మున్సిపల్ఆఫీస్లో వేర్వేరుగా నిర్వహించిన మున్సిపల్ బడ్జెట్సమావేశాలకు ఎమ్మెల్యే వివేక్, అడిషనల్కలెక్టర్ రాహుల్ చీఫ్గెస్ట్లుగా హాజరయ్యారు. మున్సిపాలిటీల్లో ప్రజల అవసరాలకు గుర్తించి అభివృద్ధి పనులు చేపట్టాలని అధికారులకు ఎమ్మెల్యే సూచించారు. 2023-–24 ఆర్థిక సంవత్సరానికి గాను క్యాతనపల్లి మున్సిపాలిటీకి
రూ.22.30 కోట్ల బడ్జెట్, చెన్నూరు మున్సిపాలిటీకి సంబంధించి రూ.17.34 కోట్లు బడ్జెట్ను ప్రతిపాదించగా ఏకగ్రీవంగా ఆమోదించారు. క్యాతనపల్లి, చెన్నూరు మున్సిపల్ చైర్పర్సన్లు జంగం కళ, ఆర్చనా గిల్డా, వైస్ చైర్మన్లు ఎర్రం సాగర్రెడ్డి, నవాజోద్దీన్, మున్సిపల్కమిషనర్లు మురళీకృష్ణ, గంగాధర్, కౌన్సిలర్లు పాల్గొన్నారు.
