- మార్పులతో కొత్త జోన్లు
- కేంద్ర గెజిట్కు అనుగుణంగా రాష్ట్ర సర్కార్ ఉత్తర్వులు
- జోగులాంబ జోన్లోకి నారాయణపేట..
- కాళేశ్వరం జోన్లోకి ములుగు
- చార్మినర్ జోన్కు మారిన వికారాబాద్ జిల్లా
హైదరాబాద్, వెలుగు: సవరణలతో కూడిన కొత్త జోనల్ వ్యవస్థపై రాష్ట్ర సర్కార్ ఉత్తర్వులు జారీ చేసింది. గతంలో రాష్ట్ర ప్రభుత్వం చేసిన మార్పులు, చేర్పుల ప్రతిపాదనలను ఆమోదిస్తూ ఏప్రిల్లో కేంద్ర హోంశాఖ ఇచ్చిన గెజిట్ కు అనుగుణంగా సీఎస్ సోమేశ్కుమార్ బుధవారం ఉత్తర్వులు జారీ చేశారు. దీంతో ఇటీవల సీఎం కేసీఆర్ప్రకటించిన 50 వేల ఉద్యోగాల భర్తీకి లైన్క్లియర్అయింది. కొత్త జోనల్ వ్యవస్థ ప్రకారం నారాయణపేట జిల్లాను జోగులాంబ జోన్లో, ములుగు జిల్లాను కాళేశ్వరం జోన్లో కలిపారు. వికారాబాద్జిల్లాను జోగులాంబ జోన్నుంచి చార్మినర్ జోన్ కు మార్చారు. వాస్తవానికి 2018 ఆగస్టులోనే 31 జిల్లాలతో కూడిన కొత్త జోనల్ వ్యవస్థకు రాష్ట్రపతి ఆమోదం లభించింది. అయితే ఆ తర్వాత కొత్తగా నారాయణపేట, ములుగు జిల్లాలను ప్రభుత్వం ఏర్పాటు చేసింది. దీంతో ఈ రెండు జిల్లాలతోపాటు జోగులాంబ జోన్లో ఉన్న వికారాబాద్ జిల్లాను చార్మినార్ జోన్లో కలుపుతూ కొత్త సవరణల ప్రపోజల్స్ను 2019లో రాష్ట్ర ప్రభుత్వం కేంద్రానికి పంపించింది. ఈ ప్రపోజల్స్కు ఏప్రిల్ లో ఆమోదం లభించగా ఇప్పుడు సీఎస్ తెలంగాణ పబ్లిక్ ఎంప్లాయ్మెంట్ (ఆర్గనైజేషన్ ఆఫ్ రెగ్యులేషన్ ఆఫ్ డైరెక్ట్ రిక్రూట్మెంట్) కింద జీవో ఇచ్చారు.
2 మల్టీ జోన్లు.. 7 జోన్లు
మొత్తం రెండు మల్టీ జోన్లు, ఏడు జోన్లు ఏర్పాటు చేశారు. దీని ప్రకారమే పోలీసు శాఖ మినహా అన్ని డిపార్ట్ మెంట్ల ఉద్యోగాల భర్తీ ఉండనుంది.
- మల్టీ జోన్–1 పరిధిలో ఫస్ట్జోన్ కాళేశ్వరంలో కొమురంభీం ఆసిఫాబాద్, మంచిర్యాల, పెద్దపల్లి, జయశంకర్భూపాలపల్లి, ములుగు జిల్లాలున్నాయి.. రెండో జోన్ బాసరలో ఆదిలాబాద్, నిర్మల్, నిజామాబాద్ జగిత్యాల జిల్లాలున్నాయి.. మూడో జోన్ రాజన్నలో కరీంనగర్, రాజన్న సిరిసిల్ల, సిద్దిపేట, మెదక్, కామారెడ్డి జిల్లాలున్నాయి.. నాల్గో జోన్ భద్రాద్రిలోని ఖమ్మం, మహబూబాబాద్, వరంగల్ రూరల్, వరంగల్ అర్బన్, భద్రాద్రి కొత్తగూడెం జిల్లాలున్నాయి.
- మల్టీ జోన్–2 పరిధిలో ఐదో జోన్ యాదాద్రిలోని సూర్యాపేట, నల్గొండ, యాదాద్రి భువనగిరి, జనగామ జిల్లాలు.. ఆరో జోన్ చార్మినార్లోని మేడ్చల్మల్కాజిగిరి, హైదరాబాద్, రంగారెడ్డి, సంగారెడ్డి, వికారాబాద్ జిల్లాలు.. ఏడో జోన్ జోగులాంబలోని మహబూబ్నగర్, నారాయణపేట, జోగులాంబ గద్వాల, వనపర్తి, నాగర్ కర్నూల్జిల్లాలున్నాయి.
పోలీసు డిపార్ట్మెంట్కు ఇలా..
- మల్టీజోన్–1లో కాళేశ్వరం జోన్లోని జయశంకర్ భూపాలపల్లి, రామగుండం పోలీస్ కమిషనరేట్, కొమురం భీం ఆసిఫాబాద్, ములుగు జిల్లాలు.. రెండో జోన్బాసరలో ఆదిలాబాద్, నిర్మల్, నిజామాబాద్ పోలీస్ కమిషనరేట్, జగిత్యాల జిల్లాలు.. మూడో జోన్ రాజన్నలో కరీంనగర్ పోలీస్ కమిషనరేట్, సిద్దిపేట పోలీస్ కమిషనరేట్, రాజన్న సిరిసిల్ల, కామారెడ్డి, మెదక్ జిల్లాలు.. నాలుగో జోన్ భద్రాద్రిలోని భద్రాద్రి కొత్తగూడెం, ఖమ్మం పోలీస్ కమిషనరేట్, మహబూబాబాద్, వరంగల్ పోలీస్ కమిషనరేట్ ఉంది.
- మల్టీజోన్–2లో ఐదో జోన్ యాదాద్రిలోని సూర్యాపేట, నల్గొండ, రాచకొండ పోలీస్ కమిషనరేట్, ఆరో జోన్చార్మినార్లో హైదరాబాద్ పోలీస్ కమిషనరేట్, సైబరాబాద్ పోలీస్ కమిషనరేట్, సంగారెడ్డి, వికారాబాద్ జిల్లాలు, ఏడో జోన్ జోగులాంబలోని మహబూబ్నగర్, నారాయణపేట, వనపర్తి, జోగులాంబ గద్వాల, నాగర్ కర్నూల్ జిల్లాలున్నాయి.
