వనపర్తి, వెలుగు : చాలాకాలంగా పెండింగ్లో ఉన్న మాచర్ల- జోగులాంబ గద్వాల రైల్వేలైన్ను సాధించి తీరుతామని నాగర్కర్నూలు పార్లమెంటు నియోజకవర్గ కాంగ్రెస్ అభ్యర్థి మల్లురవి అన్నారు. శుక్రవారం ఆయన వనపర్తి నియోజకవర్గంలోని పలు ప్రాంతాల్లో ఎమ్మెల్యే మేఘారెడ్డితో కలిసి ఎన్నికల ప్రచారం నిర్వహించారు. రైల్వేలైన్ సాధనతో వనపర్తి తో పాటు వెనుకబడ్డ ప్రాంతాలు అభివృద్ధి చెందుతాయని, గత ప్రభుత్వాలు పెద్దగా పట్టించుకోకపోవడం వల్ల రైల్వేలైన్ పనులు పెండింగ్లో పడ్డాయన్నారు.
తనను గెలిపిస్తే రైల్వేలైన్ను సాధించి తీరుతానని హామీ ఇచ్చారు. ముఖ్యమంత్రి రేవంత్రెడ్డి ఎన్నికల ముందు ఇచ్చిన ఆరు గ్యారంటీలలో అయిదింటిని అమలు చేశామని, బీఆర్ఎస్ ప్రభుత్వానికి చరమగీతం పాడినట్లే తాజా పార్లమెంటు ఎన్నికల్లోనూ కేంద్రంలోని బీజేపీని ఓడించాలని పిలుపునిచ్చారు. ఈ ప్రచారంలో డీసీసీ అధ్యక్షుడు రాజేంద్రప్రసాద్, పార్టీ పట్టణాధ్యక్షుడు చీర్లచందర్, కౌన్సిలర్లు, నాయకులు తదితరులు పాల్గొన్నారు.
