హైదరాబాద్ లో మిస్టరీ వైరస్ కలకలం రేపుతోంది. శ్వాస తీసుకోవడంలో ఇబ్బందులు, తక్కువ ఆక్సిజన్ లెవల్స్ వంటి లక్షణాలతో చాలా మంది ఆస్పత్రుల్లో చేరుతున్నారు. దీనిని మొదట స్వైన్ ప్లూ, కోవిడ్ 19 కేసులుగా భావించి పరీక్షలు నిర్వహించారు. కానీ ఈ రెండు పరీక్షల్లో నెగెటివ్ రిజల్ట్ రావడంతో ఇంతకూ ఈ వైరస్ ఏమిటన్నది అంతుపట్టడం లేదు. 100 డిగ్రీల ఫారెన్ హీట్ కు మించిన జ్వరం ఆగకుండా వచ్చే దగ్గు, గొంతు నొప్పి, ఒంటి నొప్పలు, నీరసం, తలనొప్పి, చలి జ్వరం,ముక్కు కారడం ఈ వ్యాధి లక్షణాలు పెద్దలు, పిల్లలు, రోగనిరోధక శక్తి తక్కువగా ఉన్న వారిలో ఈ వైరస్ తీవ్రంగా ఉంటుందని గాంధీ ఆస్పత్రి సూపరింటెండెంట్ రాజారావు తెలిపారు.
రెండు మూడు నెలలుగా ఇలాంటి లక్షణాలతో వస్తున్న వారి సంఖ్య పెరుగుతోందని ఆయన చెప్పారు. ప్రస్తుతానికి ఈ రకం కేసులు తక్కువగా ఉన్నాయని వైద్యాధికారులు అంటున్నారు. ఇలా వచ్చిన వారు ఐదు రోజుల్లో కోలుకుంటున్నారని తెలిపారు. మహారాష్ట్ర, కర్ణాటకలో స్వైన్ ప్లూ కేసులు అధికంగా నమోదవుతున్నాయి. అయితే ఈ కేసుల సంఖ్య హైదరాబాద్ లో తక్కువగానే ఉంది. కానీ స్వైన్ ఫ్లూ లక్షణాలతో ఆస్పత్రికి వస్తున్న వారిలో ఈ కొత్త రకం వైరస్ బయటపడటం ఆందోళన కల్గిస్తోంది.
లక్షణాలు ఇవే
- దగ్గు, ముక్కుకారటం, జ్వరం, ఒంటినొప్పులు, నీరసం, తలనొప్పి
