నారాయణపేట, వెలుగు : కట్నం కోసం వేధింపులకు గురి చేసిన వ్యక్తికి పదేండ్ల జైలుశిక్షతో పాటు రూ.20 వేల జరిమానా విధిస్తూ జిల్లా జడ్జి తీర్పు చెప్పినట్లు లైజన్ ఆఫీసర్ బాలకృష్ణ తెలిపారు. మక్తల్ మండలం భూత్పూర్ గ్రామానికి చెందిన హరిజన్ నర్సింలు, అదే గ్రామానికి చెందిన సవరమ్మను ప్రేమించి పెళ్లి చేసుకున్నాడు. రెండు నెలల తరువాత నుంచి సవరమ్మను ఎలాంటి కట్నం లేకుండా తమ కొడుకును పెండ్లి చేసుకున్నావని
ఇపుడు రూ.2 లక్షలు, 5 తులాల బంగారం తీసుకురావాలని అత్తమామాలు ఒత్తిడి చేశారు. వేధింపులు ఎక్కువ కావడంతో సవరమ్మ భూత్పూర్ రిజర్వాయర్లో దూకి ఆత్మహత్మ చేసుకుంది. సవరమ్మ తల్లి ఫిర్యాదు మేరకు పోలీసులు కేసు నమోదు చేసి దర్యాప్తు చేశారు. ఈ కేసులో 16 మంది సాక్షులను కోర్టులో ప్రవేశపెట్టగా, నేరం రుజువు కావడంతో ఈ మేరకు శిక్ష విధిస్తూ జిల్లా జడ్జి తీర్పు చెప్పారు.
