కామారెడ్డి , వెలుగు: సర్కారు దవాఖానాల్లో సిబ్బంది నిర్లక్ష్యంగా వ్యవహరిస్తున్నారు. ఆసుపత్రికి వచ్చే రోగుల పట్ల కనీసం కనికరం చూపించడం లేదు. కామారెడ్డి జిల్లా మాచారెడ్డి మండలం పల్వంచకు చెందిన బొమ్మెర చంద్రశేఖర్కు గురువారం కడుపునొప్పి రాగా, అంబులెన్స్ లో జిల్లా ఆసుపత్రికి తీసుకొచ్చారు. పేషెంట్ను ఐసోలేషన్ వార్డుకు తీసుకెళ్లాలని డాక్టర్ సూచించాడు. సిబ్బంది స్పందించకపోవడంతో భార్య రేణుక స్ట్రెట్చర్ మీద భర్తను ఐసోలేషన్ వార్డుకు తీసుకెళ్లగా.. కొడుకు సామాను పట్టుకుంటూ వెంట నడిచాడు.
