మీ కోసం నేను చచ్చిపోతాను.. ఈ నేల కోసం.. ఈ చెట్ల కోసం.. ఈ ప్రకృతి కోసం.. నా మాతృ భాష కోసం.. ఈ సభలో ఇవాళ ఉంటాను.. రేపు ఉండకపోవచ్చు.. ఇవాళ నేను బతికున్నాను.. రేపు ఈ భూమిపై ఉండకపోవచ్చు.. నా భాష ఉంటుంది.. నా నేల ఉంటుంది.. నా చెట్లు ఉంది.. నా జాతి ఉంటుంది.. ఈ ప్రకృతి ఉంటుంది.. ఇవే మాటలను తన మాతృభాషలో.. హావభావాలతో చెబుతూ.. పార్లమెంట్ ను షేక్ చేసింది.. అందర్నీ మైమరిపించిది ఈ 21 ఏళ్ల ఎంపీ.. న్యూజిలాండ్ పార్లమెంట్ లో ఎంపీ మైపి క్లార్క్ చేసిన ప్రసంగం సోషల్ మీడియాను షేక్ చేస్తుంది.. కళ్లార్పకుండా తదేకంగా చూస్తూ మైమరిచిపోతున్నారు నెటిజన్లు..
New Zealand's youngest MP in 170 years Hana-Rawhiti Maipi-Clarke (21-year-old) gives her Maiden speech in parliament.
— Political Critic (@PCSurveysIndia) January 5, 2024
New Zealand natives speech. pic.twitter.com/pCDNNTiChI
న్యూజిలాండ్ ప్రభుత్వం కొత్త విధానాన్ని తీసుకొచ్చింది. జాతి ఆధారంగా కాకుండా ప్రజల అవసరాలకు తగ్గట్టుగా విధానాలను మార్చాల్సిన అవసరం ఉందని.. ఈ మేరకు 12 చట్టాలకు సవరణ చేయాల్సి ఉంటుందని పార్లమెంట్ లో బిల్లు తీసుకొచ్చింది. ఈ బిల్లును వ్యతిరేకించింది మావోరీ ప్రాంతానికి చెందిన ఎంపీ. 180 ఏళ్ల క్రితం మావోరీ అనే ప్రాంతంలోని ఓ జాతికి సంబంధించి.. అప్పట్లో 12 అంశాల్లో.. అంటే నిధుల కేటాయింపు, విద్య, వైద్యం, కనీస అవసరాలు, ప్రభుత్వ విధానాల్లో ప్రత్యేక కోటా ఇలాంటి ఉన్నాయి. ఈ 180 సంవత్సరాల్లో ఎన్నో మార్పులు వచ్చాయని.. కులం, జాతి ఆధారంగా ప్రత్యేక రిజర్వేషన్లు కాకుండా.. ప్రజల అవసరాలు.. వారి ఆర్థిక అవసరాల ఆధారంగా నిర్ణయాలు ఉండాలంటూ కొత్త బిల్లులను పార్లమెంట్ లో ప్రవేశపెట్టింది న్యూజిలాండ్ ప్రభుత్వం.
ఈ బిల్లులను, చట్ట సవరణలను వ్యతిరేకిస్తూ.. మావోరీ ప్రాంతంలోని హౌరాకి వైకాటో నియోజకవర్గం ఎంపీగా గెలిచిన.. కమ్యూనిస్ట్ భావజాలాలు ఉన్న 21 ఏళ్ల మైపీ క్లార్క్.. తన మాతృ భాషలో.. స్థానిక జాతులు మాట్లాడే రీతిలో ఈ ప్రసంగం చేసింది. హావభావాలు ప్రదర్శిస్తూ.. ఎంతో ఎమోషనల్ గా.. ఉద్విగ్నంగా సాగిన ఈ ప్రసంగం.. పార్లమెంట్లో మిగతా సభ్యులతో చప్పట్లు కొట్టించింది. ఇక నెటిజన్లు అయితే ఈ యంగ్ ఎంపీ స్పీచ్ కు ఫిదా అవుతున్నారు. న్యూజిలాండ్ పార్లమెంట్ చరిత్రలోనే.. 170 ఏళ్ల తర్వాత.. అత్యంత పిన్న వయస్సులోనే ఎంపీగా గెలిచిన రికార్డు కూడా మైపీ క్లార్క్ పేరుతో ఉంది.
