నిత్యామీనన్ లీడ్ రోల్లో నటించిన వెబ్ సిరీస్ ‘కుమారి శ్రీమతి’. గోమటేష్ ఉపాధ్యాయ దర్శకత్వంలో స్వప్న దత్, ప్రియాంక దత్ నిర్మించారు. అవసరాల శ్రీనివాస్ స్క్రీన్ ప్లే, డైలాగ్స్ అందిస్తూ షో క్రియేటర్గా వ్యవహరిస్తున్నాడు. నాని ఈ వెబ్ సిరీస్ ట్రైలర్ను శుక్రవారం లాంచ్ చేశాడు. కథ విషయానికొస్తే.. కోర్టు కేసుల్లో ఉన్న తమ ఇల్లు చేతికొస్తేనే తప్ప పెళ్లి చేసుకోనని ఫిక్స్ అవుతుంది సిరి అలియాస్ శ్రీమతి. అందుకు ముప్ఫై లక్షలు కావాలనడంతో, ఆ డబ్బు కోసం ఊర్లో బార్ ఓపెన్ చేయాలి అనుకుంటుంది.
కానీ తను అమ్మాయి కావడంతో ఇంట్లో వాళ్లు, బయటి వాళ్లు వ్యతిరేకిస్తారు. ఆ ప్రయత్నంలో ఆమె సక్సెస్ అయిందా లేదా అనేది మిగతా కథ. నిత్యామీనన్ నటన ఆకట్టుకుంది. గౌతమి, తిరువీర్, నిరుపమ్, నరేష్, తాళ్లూరి రామేశ్వరి, ప్రణీత పట్నాయక్, మహేష్ ఇతర పాత్రలు పోషించారు. మొత్తం ఏడు ఎపిసోడ్స్ ఉండే ఈ వెబ్ సిరీస్ కుటుంబమంతా కలిసి చూసేందుకు పర్ఫెక్ట్ చాయిస్ అని చెబుతున్నారు మేకర్స్. సెప్టెంబర్ 28 నుంచి అమెజాన్ ప్రైమ్లో ఇది స్ట్రీమింగ్ కానుంది.