1982.. ఇది సంవత్సరం కాదు. ఓ కొండ ఎత్తు. ఆ కొండ చుట్టూ ఇంకొన్ని కొండలు. వాటి మధ్య లోయల్లో పారే నీళ్లు. ఎంత అందంగా ఉంటుందో కదా ప్రకృతి. ఆ అందంలోనే భయమూ ఉంటుంది మరి. నార్వేలోని ప్రీకెస్టోలెన్ అనే ప్రాంతంలో అంత పెద్ద కొండపై కట్టేందుకు డిజైన్ చేసిన హోటల్ నమూనా ఇది. టర్కీకి చెందిన హయరీ అతక్ అనే కంపెనీ ఈ హోటల్కు డిజైన్ చేసింది. కొండంచుకు నాలుగు ఫ్లోర్లలో ఈ హోటల్ నిర్మాణం ఉంటుందట.
కింది ఫ్లోర్లో బయటకు చొచ్చుకొచ్చేలా పొడవాటి స్విమ్మింగ్పూల్ ఉంటుంది. అది కూడా అడుగు భాగం నుంచి కింద ఉన్న ప్రాంతమంతా కనిపించేలా అద్దంతో డిజైన్ చేశారు. ఇక, ప్రతి ఫ్లోర్లోనూ కొండ అంచు నుంచి బయటకొచ్చేలా బాల్కనీలూ ఉంటాయట. కాబట్టి వచ్చే గెస్టులు తనివితీరా ప్రకృతి అందాలను ఆస్వాదించొచ్చట. ఆ చుట్టుపక్కల ప్రాంతాలనూ మొత్తం చూసేందుకు వీలుగా టాప్ ఫ్లోర్లో డెక్ ఏర్పాటు చేస్తారట. ఇప్పటికైతే ఇది కేవలం డిజైన్కు పరిమితమైంది. ఎప్పుడు కట్టేది, అసలు కడతారా కట్టరా అనే దానిపై కంపెనీ నుంచి ఎలాంటి పలుకూ లేదు. చూద్దాం, ఇది ఎప్పుడు నిజంగా నిజమవుతుందో!!!
