ఉప్పల్, వెలుగు: రాష్ట్రంలో అభివృద్ధి, సంక్షేమం బీజేపీతోనే సాధ్యమని ఆ పార్టీ ఉప్పల్ సెగ్మెంట్ అభ్యర్థి ఎన్వీఎస్ఎస్ ప్రభాకర్ తెలిపారు. ఎన్నికలకు సమయం దగ్గర పడుతుంటంతో సెగ్మెంట్లో ఆయన ప్రచార జోరును పెంచారు. శుక్రవారం కాప్రా డివిజన్ లోని సాయిబాబా కాలనీ, సాయి నగర్, పద్మారావు నగర్, వంపుగూడ, సాకేత్ కాలనీల్లో బీజేపీ నాయకులతో ప్రభాకర్ పాదయాత్ర చేశారు. ఈ సందర్భంగా ఆయన మాట్లాడుతూ.. నిత్యం జనంలో ఉండే నాయకుడికి వారి సమస్యలపై అవగాహన ఉంటుందన్నారు.
జనాల కష్టసుఖాలు తెలిసిన నాయకుడినే ఎమ్మెల్యేగా ఎన్నుకోవాలని ఆయన పిలుపునిచ్చారు. బీఆర్ఎస్, కాంగ్రెస్కు ఓటేస్తే ఎలాంటి అభివృద్ధి ఉండదన్నారు. తనను గెలిపిస్తే కేంద్రం నుంచి నిధులు తీసుకొచ్చి ఉప్పల్ సెగ్మెంట్ రూపురేఖలు మారుస్తానని ప్రభాకర్ హామీ ఇచ్చారు. ఒకప్పుడు ఇండస్ట్రియల్ హబ్గా ఉండి ఎంతో మందికి ఉపాధినిచ్చిన ఉప్పల్ సెగ్మెంట్లో ఇప్పుడు కంపెనీలు లేక కార్మికులు ఇబ్బంది పడుతున్నారన్నారు. ఈ నెల 30న జరిగే ఎన్నికల్లో కమలం గుర్తుకు ఓటేసి తనను అత్యధిక మెజార్టీతో గెలిపించాలని ఆయన కోరారు.
