గచ్చిబౌలి,వెలుగు: నగరానికి గంజాయి తీసుకువచ్చిన ఒడిశాకు చెందిన ఇద్దరు యువకులను గచ్చిబౌలి పోలీసులు అరెస్ట్చేశారు. వారి కథనం ప్రకారం.. ఒడిశా రాష్ట్రంలోని మల్కాన్గిరి జిల్లా కోర్కొండ గ్రామానికి చెందిన శివ బిస్వాస్ టైలర్. ఇదే జిల్లా నీలకంబరి గ్రామానికి చెందిన రాహుల్ సేన్ విద్యార్థి. ఇద్దరూ కలిసి డబ్బుల కోసం గంజాయి విక్రయించాలని నిర్ణయించుకున్నారు. హైదరాబాద్లో భవన నిర్మాణాల వద్ద కూలీలు, ఇతరులకు అమ్మేందుకు 5 కిలోల గంజాయితో గురువారం బస్సులో హైదరాబాద్వచ్చారు.
పక్కా సమాచారంతో ఎస్వోటీ పోలీసులు సాయంత్రం గచ్చిబౌలి స్టేడియం వద్ద తనిఖీలు చేపట్టగా శివ బిస్వాస్, రాహుల్ సేన్అనుమానాస్పదంగా కనిపించారు. వారిని పట్టుకొని చెక్చేయగా గంజాయి లభించింది. నిందితులను గచ్చిబౌలి పోలీసులకు అప్పగించారు. కేసు నమోదు చేసి, ఇద్దరినీ అరెస్ట్చేసినట్లు పోలీసులు పేర్కొన్నారు.
కర్నాటక వాసి ..
జిల్లాలోని తాండూరుకు గంజాయి తీసుకువస్తున్న కర్నాటక వాసిని పోలీసులు అరెస్ట్చేశారు. ఎస్పీ నారాయణరెడ్డి కథనం ప్రకారం.. గంజాయి రవాణా జరుగుతోందని టాస్క్ఫోర్స్పోలీసులకు పక్కా సమాచారం వచ్చింది. దీంతో జిల్లా టాస్క్ఫోర్స్ఇన్స్పెక్టర్అన్వర్పాషా గురువారం మధ్యాహ్నం తన టీంతో కలిసి తాండూరు పట్టణంలో వాహన తనిఖీలు చేపట్టారు. ఆ సమయంలో కర్ణాటక రాష్ట్రంలోని కలబుర్గి జిల్లా సేడం పట్టణానికి ఖాసీం పటేల్అలియాస్ ఖాసీం అనుమానాస్పదంగా కనిపించడంతో ఆపి తనిఖీ చేశారు.
అతని వద్ద 1100 గ్రాముల పొడి గంజాయి లభ్యమైంది. గంజాయి స్వాధీనం చేసుకొని నిందితుడిని తాండూరు పోలీస్స్టేషన్లో అప్పగించారు. కేసు నమోదు చేసి, ఖాసీంను అరెస్ట్చేసినట్లు పోలీసులు పేర్కొన్నారు. గంజాయి సాగు, రవాణా, విక్రయాలకు సంబంధించిన సమాచారం తెలిస్తే సమీప పోలీస్స్టేషన్లలో తెలియజేయాలని ఎస్పీ కోరారు. టాస్క్ ఫోర్స్ ఇన్స్పెక్టర్ అన్వర్ పాషా, సిబ్బందిని ఆయన అభినందించారు.
చత్తీస్గఢ్ వాసి..
చత్తీస్గఢ్రాష్ట్రానికి చెందిన ఓ వ్యక్తి గంజాయితో పట్టుబడ్డాడు. సీఐ మధు తెలిపిన వివరాల ప్రకారం.. మంచాల మండలం ఆగపల్లి వద్ద సాగర్రహదారిపై పోలీసులు గురువారం ఉదయం 10 గంటలకు వాహన తనిఖీలు నిర్వహిస్తున్నారు. ఆ సమయంలో చత్తీస్గఢ్ రాష్ట్రంలోని రాజ్నంద్గాన్జిల్లాడొంగర్గాన్ గ్రామానికి చెందిన తాపీమేస్త్రీ ప్రమోద్ కుమార్ అనుమానాస్పదంగా కనిపించాడు. అతన్ని క్షుణ్ణంగా తనిఖీ చేయడంతో కిలో గంజాయి దొరికింది. ఒడిశాలో కొనుగోలు చేసి ఇక్కడ విక్రయించేందుకు తెచ్చినట్లు నిందితుడు ఒప్పుకున్నాడు. గంజాయి స్వాధీనం చేసుకొని, అతన్ని అరెస్ట్చేసినట్లు సీఐ పేర్కొన్నారు.
