కామారెడ్డి, వెలుగు: కామారెడ్డి జిల్లా మాచారెడ్డి మండలం లచ్చపేటలో కుక్కల దాడిలో ఓ వృద్ధురాలు చనిపోయింది. ముస్తాబాద్రామవ్వ(75) బుధవారం సాయంత్రం తన ఇంటి ముందు ఒంటరిగా కూర్చొంది. ఈ ప్రాంతంలో ఉన్న కుక్కలు ఆమెపై దాడి చేసి..లాకెళ్లే ప్రయత్నం చేశాయి. ఆమె చేతులు,ముఖంపై తీవ్ర గాయాలయ్యాయి. స్థానికులు పరిగెత్తుకు వచ్చి కుక్కలను తరిమేశారు. వృద్ధురాలిని ట్రీట్మెంట్కోసం కామారెడ్డి జిల్లా హాస్పిటల్కు తరలించారు. పరిస్థితి విషమంగా ఉండడంతో నిజామాబాద్ తరలిస్తుండగా మార్గమధ్యలో చనిపోయింది.
ఐదేండ్ల బాలుడిపై దాడి
జనగామ జిల్లా నర్మెట్ట మండలంలోని మల్కపేటలో ఐదేండ్ల బాలుడిపై కుక్కలు దాడి చేశాయి. బోనోతు హుసేన్,చంద్రకళ కొడుకు బిజన్(5) ఇంటి ముందు ఆడుకుంటుండగా వీధి కుక్కల గుంపు దాడి చేశాయి. తీవ్రంగా గాయపడడంతో గమనించిన తల్లిదండ్రులు జనగామ ఏరియా దవాఖానకు తరలించారు. పరిస్థితి విషమంగా ఉండటంతో హైదరాబాద్తీసుకువెళ్లారు. జనగామలో ఉండే బిజన్కుటుంబం ఇటీవలే పనిపై సొంతూరైన మల్కపేటకు
వచ్చారు.
కామారెడ్డి జిల్లాలో దళిత మహిళపై దాడి
కామారెడ్డి జిల్లాలోని ఓ గ్రామంలో దళిత మహిళతో పాటు ఆమెతో కలిసి ఉంటున్న వ్యక్తిపై మొదటి భార్య తరఫు బంధువులు దాడి చేశారు. ఈ ఘటన ఆలస్యంగా వెలుగులోకి వచ్చింది. ఇది వరకే పెండ్లయిన ఓ యువకుడు 3 నెలల నుంచి మరో యువతితో కలిసి ఉంటున్నాడు. దీంతో యువకుడి మొదటి భార్య బంధువులు ఈ నెల 4న వీరిద్దరి ఊరికి వెళ్లి చితకబాదారు. ఐదు రోజుల తర్వాత బాధితురాలు ఫిర్యాదు చేయడంతో కేసు నమోదు చేసి దర్యాప్తు చేస్తున్నట్లు ఎస్ఐ తెలిపారు.
