బాలీవుడ్ స్టార్ కపుల్ ఆలియా భట్, రణబీర్ కపూర్ ఏప్రిల్ 14న తమ మొదటి వివాహ వార్షికోత్సవాన్ని పురస్కరించుకుని.. ఆలియా సోషల్ మీడియాలో ఓ పోస్ట్ చేశారు. వారి పెళ్లి వేడుకలో భాగమైన హల్దీ ఈవెంట్ లో దిగిన ఓ ఫొటోతో పాటు రంగుల రాట్నంలోని ఓ ఫోజ్ ను, గ్రే స్కేల్ పిక్చర్ ను ఆలియా ఇన్స్ స్టాగ్రామ్ లో పోస్ట్ చేశారు. వీటితో పాటు హ్యాపీ డే అనే క్యాప్షన్ ను ఫొటోలకు జత చేశారు. ఈ ఫొటోల్లోని ఒకదాంట్లో రణబీర్ ఆలియాను కౌగిలించుకుని ఉండగా.. ఇద్దరూ హల్దీ పూసిన ముఖాలతో నవ్వుతూ ఉన్నారు. రెండవ దాంట్లో రణబీర్, ఆలియాకు ప్రపోజ్ చేస్తున్నట్టు.. ఆమె ఓకే చేసినట్టుగా ఉంది. సోషల్ మీడియాలో వైరల్ అవుతున్న ఈ పోస్ట్ పై నెటిజన్లు పలు రకాలు కామెంట్లు చేస్తున్నారు. వారిద్దరికీ సోషల్ మీడియా వేదికగా పెళ్లి రోజు శుభాకాంక్షలు తెలియజేస్తున్నారు.
2022, ఏప్రిల్ 14న కొద్ది మంది కుటుంబ సభ్యులు, సన్నిహితుల సమక్షంలో ఈ జంట ప్రేమ వివాహం చేసుకున్నారు. గతేడా నవంబర్ 6న వారు తమ మొదటి బిడ్డకు తల్లిదండ్రులు కాగా, ఆమెకు రాహా అని పేరు పెట్టారు.
