760 మంది స్టూడెంట్లకు 10 మందే టీచర్లు 

V6 Velugu Posted on Nov 25, 2021

  • ఖాళీగా ఉన్న పోస్టులను భర్తీ చేయాలె
  • మేకలమండి ప్రభుత్వ స్కూల్ ముందు తల్లిదండ్రుల ధర్నా 

హైదరాబాద్ /పద్మారావునగర్, వెలుగు: భోలక్ పూర్ కృష్ణానగర్​లోని మేకలమండి ప్రభుత్వ ప్రాథమికోన్నత పాఠశాలలో టీచర్లను నియమించాలని కోరుతూ హై స్కూల్ సాధన కమిటీ ఆధ్వర్యంలో బుధవారం స్టూడెంట్ల  తల్లిదండ్రులు ధర్నా చేశారు. హై స్కూల్ సాధన కమిటీ కన్వీనర్ చంద్రశేఖర్ మాట్లాడుతూ.. సికింద్రాబాద్​లోని మేకలమండి అప్పర్ ప్రైమరీ స్కూల్​లో 760 మంది స్టూడెంట్లకు 10మంది టీచర్లే ఉన్నారన్నారు. వీళ్లు అన్ని సబ్జెక్టలను బోధించలేకపోతున్నారన్నారు. కరోనా టైమ్​లో  ప్రైవేట్ స్కూల్ లో ఫీజులు కట్టలేక గవర్నమెంట్ స్కూల్​కి మారిన స్టూడెంట్లతో ఈ ఏడాది అడ్మిషన్లు బాగా పెరిగాయని అన్నారు. ఈ విషయంపై ఇప్పటికే రాష్ట్రమంత్రి తలసాని శ్రీనివాస్ యాదవ్ ని కలిసి వినతి పత్రాన్ని అందజేశామన్నారు. ఆయన స్పందించి డీఈవోకి చెప్పినా అధికారులు ఎలాంటి చర్యలు తీసుకోలేదన్నారు. స్టూడెంట్ల సంఖ్యకు తగ్గట్లు వెంటనే టీచర్లను నియమించకుంటే ఆందోళనను ఉదృతం చేస్తామని చంద్రశేఖర్ హెచ్చరించారు. ఈ ధర్నాలో హై స్కూల్ సాధన కమిటీ కో కన్వీనర్ బి. నర్సింగ్ రావు, ఎంఎస్‌‌‌‌‌‌‌‌సీ  కమిటీ చైర్మన్ పుల్లారావు, వైస్ చైర్మన్ వరలక్ష్మి తదితరులు పాల్గొన్నారు. 

Tagged Hyderabad, teachers, secundrabad, Govt School, teacher posts, mekalamandi

Latest Videos

Subscribe Now

More News