హైదరాబాద్, వెలుగు: పీసీసీ రాజకీయ వ్యవహారాల కమిటీ (పీఏసీ) సమావేశం శుక్రవారం సాయంత్రం 4.30 గంటలకు గాంధీభవన్లో జరగనుంది. పీసీసీ చీఫ్ మహేశ్కుమార్గౌడ్ అధ్యక్షతన జరిగే ఈ సమావేశానికి సీఎం రేవంత్రెడ్డి, పార్టీ రాష్ట్ర వ్యవహారాల ఇన్చార్జి మీనాక్షి నటరాజన్తో పాటు ఇతర సీనియర్ నేతలు హాజరుకానున్నారు. చాలా కాలం తర్వాత పీఏసీ సమావేశం జరగనుండడంతో కాంగ్రెస్ పార్టీలో ఆసక్తికర చర్చ సాగుతోంది.
ఇటీవల పార్టీలో చోటుచేసుకున్న పరిణామాల నేపథ్యంలో కీలకమైన ఈ సమావేశం జరగనుండడం, ముఖ్య నేతలు ఒకే వేదికపై ఉండనుండడంతో పార్టీ నేతలంతా ఈ సమావేశంపైనే దృష్టి పెట్టారు. ప్రస్తుత పరిస్థితుల్లో పీఏసీ సమావేశం హాట్హాట్గా సాగనుందని పార్టీ వర్గాలు భావిస్తున్నాయి. పార్టీ బలోపేతానికి బూత్ స్థాయిలో తీసుకోవాల్సిన చర్యలు, రాష్ట్రంలో ప్రభుత్వం-, పార్టీ మధ్య సమన్వయం, ప్రభుత్వ పనితీరుపై ప్రజల్లో జరుగుతున్న చర్చ, అభివృద్ధి, సంక్షేమ పథకాల అమలు తీరుపై సమావేశంలో ప్రధానంగా చర్చించనున్నారు.
