సూపర్ స్టార్ మహేష్ బాబు(Mahesh babu), స్టార్ డైరెక్టర్ త్రివిక్రమ్(Trivikram) కాంబోలో వస్తున్న మోస్ట్ అవైటెడ్ మూవీ గుంటూరు కారం(Guntur kaaram). హారికహాసిని క్రియేషన్స్ బ్యానర్ పై చినబాబు(Chinababu) నిర్మిస్తున్న ఈ సినిమాలో.. లేటెస్ట్ బ్యూటీ శ్రీలీల(Sreeleela), ఖిలాడీ బ్యూటీ మీనాక్షి చౌదరి(Meenakshi chaudary) హీరోయిన్స్ గా నటిస్తున్నారు. అవుట్ అండ్ అవుట్ మాస్ అండ్ కమర్షియల్ ఎంటర్టైనర్ గా వస్తున్న ఈ సినిమా కోసం మహేష్ ఫ్యాన్స్ ఈగర్ గా వెయిట్ చేస్తున్నారు. అంతేకాదు ప్రేక్షకుల్లో కూడా ఈ సినిమాపై భారీ అంచనాలు నెలకొన్నాయి. అందుకు తగ్గట్టుగానే ఎక్కడ కాంప్రమైజ్ కాకుండా సినిమాను తెరకెక్కిస్తున్నారు మేకర్స్. ఈ సినిమా 2024 సంక్రాంతి కానుకగా ప్రేక్షకుల ముందుకు రానుంది.
అయితే ఈమధ్య కాలంలో గుంటూరు కారం సినిమాపై వచ్చినన్నీ రూమర్స్ మరే సినిమాపై వచ్చి ఉండవు. హీరోయిన్, మ్యూజిక్ డైరెక్టర్, రిలీజ్ డేట్.. ఇలా ప్రతి విషయంలో ట్రెండ్ అయ్యింది ఈ సినిమా. తాజాగా ఈ సినిమాపై వస్తున్న రూమర్స్ పై క్లారిటీ ఇచ్చాడు నిర్మాత నాగవంశీ. తాజాగా ఓ ఇంటర్వ్యూలో పాల్గొన్న ఆయన గుంటూరు కారం సినిమా గురించి మాటాడుతూ.. గుంటూరు కారం సినిమా ఖచ్చితంగా సంక్రాంతికి రిలీజ్ అవుతుంది. అంతేకాదు నాన్ రాజమౌళి సినిమా కలెక్షన్స్ రికార్డుల్లో.. గుంటూరు కారం ఫస్ట్ ప్లేస్ లో ఉంటుందని చెప్పుకొచ్చారు. ఇక ఈ గుంటూరు కారం ఇతర భాషల్లో రేలసే అవుతుందా అన్న ప్రశ్నకు బదులుగా.. టైం అండ్ క్వాలిటీ గురించి ఆలోచించి ఈ సినిమాని కేవలం తెలుగులోనే రిలీజ్ చేస్తున్నాము. ఇతర భాషల్లో డబ్ చేయడం లేదని క్లారిటీ ఇచ్చారు.
