దుబ్బాక, వెలుగు : దుబ్బాక బీఆర్ఎస్ అభ్యర్థి కొత్త ప్రభాకర్ రెడ్డికి మద్దతుగా ఎన్నికల ప్రచారానికి వచ్చిన మాజీ ఎమ్మెల్సీ ఫారూఖ్హుస్సేన్కు చేదు అనుభవం ఎదురైంది. సిద్దిపేట జిల్లా మిరుదొడ్డి మండలం కాసులాబాద్ గ్రామానికి వచ్చిన ఆయన ప్రభుత్వ అభివృద్ధి పనుల గురించి మాట్లాడకుండా ఎమ్మెల్యే రఘునందన్రావుపై అనుచిత వ్యాఖ్యలు చేస్తున్నాడని ఆయన ప్రసంగాన్ని బీజేపీ కార్యకర్తలు అడ్డుకున్నారు.
రెండు సార్లు ఎంపీగా గెలిచిన కొత్త ప్రభాకర్రెడ్డి ఒక్కసారి కూడా తమ గ్రామానికి రాలేదని, ఇప్పుడు ఆ పార్టీ తరపున ఏ మొఖం పెట్టుకుని వచ్చి ఓట్లు అడుగుతున్నారని ప్రశ్నించారు. గ్రామంలో ఒక్క అభివృద్ధి కార్యక్రమం చేపట్టలేదని ఆగ్రహం వ్యక్తం చేశారు. నియోజకవర్గం అభివృద్ధి చెందకపోవడానికి ప్రధాన కారణం ఎమ్మెల్యే రఘునందన్రావే అని ఎమ్మెల్సీ అన్నారు. దీంతో ఎంపీ కొత్త ప్రభాకర్ రెడ్డి గ్రామానికి ఏం చేశారో చెప్పాలని బీజేపీ లీడర్లు ప్రశ్నించారు.
ALSO READ: రోడ్డు వేయలే.. మళ్లీ ఎందుకొచ్చావ్..? మహేశ్రెడ్డిని నిలదీసిన తండా వాసులు
ప్రశ్నించే గొంతుతోనే నియోజకవర్గంలో అభివృద్ధి పనులు శరవేగంగా జరుగుతున్నాయన్నారు. దీంతో అక్కడే ఉన్న బీఆర్ఎస్ కార్యకర్తలకు, బీజేపీ శ్రేణుల మధ్య తోపులాట జరిగింది. అప్రమత్తమైన పోలీసులు ఇరు వర్గాలను చెదరగొట్టి పరిస్థితిని అదుపులోకి తెచ్చారు.
