యంగ్ హీరో రాజ్ తరుణ్ ‘పవర్ ప్లే’ సినిమా ట్రైలర్ బుధవారం విడుదలైంది. విజయ్ కుమార్ కొండా దర్శకత్వం వహిస్తున్న ఈ సినిమాలో రాజ్ తరుణ్ తన ఇమేజ్ కి భిన్నంగా ప్రయత్నించినట్లు తెలుస్తోంది. ట్రైలర్ అంతా కూడా ఒక్క డైలాగ్ కూడా లేకుండా కేవలం బ్యాక్ గ్రౌండ్ మ్యూజిక్ తో ఆసక్తి కలిగించేలా ఉంది. గతంలో రాజ్- విజయ్ కాంబినేషన్ లో ‘ఒరేయ్ బుజ్జిగా’ చిత్రం వచ్చింది.
తాజా చిత్రంలో థ్రిల్లింగ్ అండ్ క్రైమ్ ఎలిమెంట్స్ తో ఈ సినిమా రూపోందించారు. రాజ్ తరుణ్, హేమాల్ జంటగా నటిస్తున్న ఈ సినిమా కు నిర్మాత దేవేశ్. ట్రైలర్లో క్రైమ్ సన్నివేశాలతో పాటు .. రాజ్ తరుణ్ లిప్ కిస్సులతో రెచ్చిపోవడం చూడవచ్చు. నటుడు అజయ్ తో పాటు, హీరోయిన్ పూర్ణ లు ఈ మూవీలో కీలక పాత్రల్లో నటిస్తున్నారు.