జైపూర్: రాజస్థాన్లోని బర్మేర్ జిల్లాలో దళిత మహిళపై ఆత్యాచారానికి పాల్పడి ఆమెకు నిప్పంటించాడో కామాంధుడు. తీవ్రంగా గాయపడిన బాధితురాలు చికిత్స పొందుతూ మరణించింది. ఈ దారుణంపై రాష్ట్రవ్యాప్తంగా తీవ్ర విమర్శలు వస్తున్నాయి. ప్రతిపక్షాలు, ప్రజాసంఘాలు నిరసనలు, ఆందోళనలకు దిగాయి. బాధిత మహిళ(30) గురువారం సాయంత్రం ఒంటరిగా ఉన్న సమయంలో నిందితుడు షకూర్ఖాన్ డోర్లు విరగ్గొట్టి ఇంట్లోకి చొరబడ్డాడు.
ఆమెపై అత్యచారానికి పాల్పడి యాసిడ్ లాంటి కెమికల్ ఆమెపై చల్లి నిప్పంటించి పారిపోయాడు. మహిళ అరుపులు విని వచ్చిన చుట్టుపక్కల వారు మంటలార్పారు. అయితే, అప్పటికే గాయాలపాలైన మహిళను పోలీసులు జోధ్పూర్లోని ప్రభుత్వ ఆస్పత్రికి తరలించారు. అక్కడ ట్రీట్మెంట్పొందుతూ బాధితురాలు శుక్రవారం రాత్రి చనిపోయింది. బాధితురాలి భర్త ఫిర్యాదు మేరకు నిందితుడిపై ఐపీసీ 302, 376, 326 సెక్షన్ల కింద కేసు నమోదు చేసినట్లు బర్మేర్జిల్లా ఎస్పీ దిగంత్ఆనంద్ తెలిపారు.
పరారీలో ఉన్న షకూర్ఖాన్ను అరెస్టు చేశామని.. నిందితుడిది, బాధితురాలిది ఒకే గ్రామమని విచారణలో తేలిందని చెప్పారు. దళిత మహిళపై రేప్, సజీవదహనం ఘటన రాష్ట్రంలో శాంతిభద్రతల పరిస్థితికి ఉదాహరణగా నిలుస్తోందని ప్రతిపక్షాలు మండిపడుతున్నాయి. మహిళ రక్షణను ప్రభుత్వం గాలికి వదిలేసిందని విమర్శించాయి. కాగా, ట్రీట్మెంట్ అందడంలో జాప్యం కలగడం వల్లే బాధితురాలు చనిపోయిందని కేంద్ర జలశక్తి మంత్రి గజేంద్ర సింగ్షెకావత్ఆరోపించారు. సామాన్యుల జీవితాల పట్ల రాష్ట్ర ప్రభుత్వం, అధికార యంత్రాంగం నిర్లక్ష్యమే ఈ దారుణానికి కారణమని మంత్రి మండిపడ్డారు.
