మ్యాచో స్టార్ గోపీచంద్ ప్రధాన పాత్రలోశ్రీవాస్ డైరెక్షన్ లో వస్తున్న లేటెస్ట్ మూవీ రామబాణం. మే 5న ప్రేక్షకుల ముందుకు రానుంది. కంప్లీట్ ఫ్యామిలీ అండ్ ఎంటర్టైనర్ గా తెరకెక్కిన ఈ మూవీపై ప్రేక్షకుల్లో మంచి అంచనాలే ఉన్నాయి. ఇక తాజాగా కర్నూల్ లో సినిమా ప్రీ రిలీజ్ ఈవెంట్ ను కూడా నిర్వచించారు. అయితే ఈ సినిమాను జనాల్లోకి తీసుకెళ్లేందుకు చిత్ర యూనిట్ తెగ కష్టపడుతున్నారు. ఇందుకోసం సరికొత్త రూట్ ని ఎంచుకున్నారు.
ఈ రోజుల్లో ప్రతి ఒక్కరూ పాల ప్యాకెట్లు వేయించుకోవడం కామనే కదా. ఆ పాల ప్యాకెట్ల ద్వారానే ఈ మూవీని ప్రేక్షకుల్లోకి తీసుకెళ్లాలని చూస్తోంది రామబాణం టీమ్. ఇందుకోసం.. పాల ప్యాకెట్లపై తమ సినిమా పోస్టర్లు ముద్రించి టిని ఇంటింటికీ చేరువయ్యేలా చేస్తున్నారు. అదికూడా సంగం డెయిరీ పాల ప్యాకెట్లపై.
ఈ ఐడియాకి ప్రేక్షకుల నుండి కూడా మంచి స్పందనే వస్తోంది. ఈ ఐడియా భలే ఉందని, ఇలాంటి ప్రచారం గతంలో ఎవరూ చేయలేదని సోషల్ మీడియా వేదికగా కామెంట్స్ పెడుతున్నారు. మరి.. ఈ ప్రమోషనల్ ఐడియా సినిమా విజయంలో ఎంతవరకు ఉపయోగపడనుందో తెలియాలంటే మే 5వ తేదీ వరకు ఆగాల్సిందే.
