గ్రేటర్ నోయిడాలో దొంగతనం చేశారనే అనుమానంతో ఇద్దరు మైనర్ బాలురను అమానవీయంగా శిక్షిస్తున్నట్లు కనిపిస్తోన్న ఓ బాధాకరమైన వీడియో ఇంటర్నెట్లో సంచలనం సృష్టిస్తోంది. ఈ ఘటనకు సంబంధించిన వీడియో కెమెరాకు చిక్కడంతో ఇది ఇప్పుడు సోషల్ మీడియాలో హల్చల్ చేస్తోంది. జనం వారి చేతులు కట్టేసి, వారి ప్రైవేట్ పార్ట్స్లో ఎర్ర కారం కొట్టినట్లు పలు నివేదికలు సూచిస్తున్నాయి. ఈ వైరల్ క్లిప్ లో తాడుతో వారి చేతులు కట్టేసి దారుణంగా కొట్టడం చూడవచ్చు.
దొంగిలించిన బైక్తో..
గ్రేటర్ నోయిడాలోని జేవార్ ప్రాంతంలో ఈ సంఘటన జరిగింది, అక్కడ ఇద్దరు బాలురు దొంగతనానికి పాల్పడ్డారని అనుమానించిన జనం వారిని దారుణంగా కొట్టారు. ఈ ప్రాంతంలో దొంగిలించిన బైక్తో అబ్బాయిలను పట్టుకున్నట్లు సమాచారం. దీంతో వారు ఈ అమానవీయమైన చర్యకు పూనుకున్నారు. అంతే కాదు సంఘటనను కెమెరాల్లోనూ చిత్రీకరించారు. ఆ వీడియోను సోషల్ మీడియాలో పోస్ట్ చేయడంతో క్షణాల్లోనే ఈ న్యూస్ వైరల్ అయింది.
జనం అబ్బాయిలకు తాలిబాన్ల తరహాలో శిక్ష వేస్తోన్న ఈ వీడియో ఇంటర్నెట్లో వైరల్ అవడంతో.. సోషల్ మీడియా యూజర్స్ అక్కడి వారి అమానవీయ చర్యపై విరుచుకుపడుతున్నారు. ఈ క్రమంలోనే నిందితులు మోహర్పాల్, ఉత్తమ్ కుమార్, విశాల్ తదితరులపై బాధిత కుటుంబీకులు కేసు నమోదు చేశారు. దొంగతనం చేశారనే అనుమానంతో జనం కొట్టిన అబ్బాయిలను జైలుకు తరలించినట్లు సమాచారం. ఈ ఘటనపై జేవార్ పోలీస్ స్టేషన్లో కేసు నమోదైందని పోలీసులు తెలిపారు. పోలీసులు సత్వరమే చర్యలు తీసుకున్నారు. సంఘటనతో సంబంధం ఉన్న ముగ్గురు నిందితులను అరెస్టు చేసే ప్రక్రియలో ఉన్నారు.
ग्रेटर नोएडा के जेवर इलाके में चोरी के शक में भीड़ ने दो नाबालिग लड़कों के हाथ बांधे। उनके प्राइवेट पार्ट में लाल मिर्च पाउडर डाल दिया, पिटाई की। पीड़ित फैमिली ने मोहरपाल, उत्तम, विशाल आदि के खिलाफ शिकायत की। फिलहाल पिटने वाले दोनों लड़के ही जेल चले गए हैं। #Noida #Up pic.twitter.com/SFEMBP6W6j
— Sachin Gupta (@SachinGuptaUP) December 12, 2023