హాస్పిటల్ సెల్లార్లో అధ్వానంగా డ్రైనేజీ వ్యవస్థ
పద్మారావునగర్, వెలుగు: గాంధీ హాస్పిటల్లో కొత్తగా ఏర్పాటు చేసిన గాంధీ విగ్రహానికి అడ్డుగా ఉందని మెయిన్ గేట్ ఎదురుగా రోడ్డు పక్కనున్న ఆర్టీసీ బస్ షెల్టర్ ను అధికారులు తొలగించారు. దీంతో గాంధీ హాస్పిటల్కు వచ్చే పేషెంట్లు, వారి సహాయకులు ఇబ్బంది పడుతున్నారు. రోడ్లపైనే నిల్చోని బస్సుల కోసం ఎదురుచూస్తున్నారు. మరోవైపు గాంధీ హాస్పిటల్లో ఎక్కడి సమస్యలు అక్కడే ఉన్నాయి. గాంధీ హాస్పిటల్ ఆవరణలో బ్యూటిఫికేషన్ పనులకు దాదాపు రూ.రెండున్నర కోట్లు ఖర్చు పెట్టడంపై విమర్శలు వస్తున్నాయి. ఓ వైపు డ్రైనేజీ వ్యవస్థ అధ్వానంగా ఉండగా.. మురికి నీరు సెల్లార్లోకి పొంగి రావడంతో శానిటేషన్ సమస్యలు తలెత్తుతున్నాయి. తరచూ షార్ట్ సర్క్యూట్తో ప్రమాదాలు జరుగుతున్నా..
సెల్లార్లో డైట్ క్యాంటీన్ అలాగే నడుస్తోంది. సెక్యూరిటీ, శానిటేషన్ విభాగాల్లో సిబ్బంది కొరత ఉన్నట్లు అక్కడి అధికారులు చెబుతున్నారు. ఇలా గాంధీ హాస్పిటల్లో ఎన్నో సమస్యలున్నాయని వాటిపై సర్కారు ఫోకస్ చేస్తే బాగుంటుందని పేషెంట్లు, వారి సహాయకులు అంటున్నారు. ఇయ్యాల గాంధీ విగ్రహాన్ని ఆవిష్కరించనున్న సీఎం గాంధీ హాస్పిటల్ మెయిన్ గేటు ఎదురుగా ఏర్పాటు చేసిన గాంధీ విగ్రహాన్ని ఇయ్యాల సీఎం కేసీఆర్ఆవిష్కరించనున్నారు. విగ్రహావిష్కరణ తర్వాత గాంధీ మెడికల్ కాలేజీ గ్రౌండ్లో జరిగే బహిరంగ సభలో సీఎం ప్రసంగించనున్నారు. శనివారం గాంధీ హాస్పిటల్ను సందర్శించిన మంత్రి తలసాని శ్రీనివాస్ అక్కడి ఏర్పాట్లను పరిశీలించారు.
