హైదరాబాద్: గాంధీభవన్ మెట్లపై ఆందోళనకు దిగితే పార్టీ నుంచి సస్పెండ్ చేస్తామని పీసీసీ చీఫ్ రేవంత్ రెడ్డి హెచ్చరించారు. ఆలేరు నియోజకవర్గంలోని తుర్కపల్లి మండల పార్టీ అధ్యక్షుడి నియామకాన్ని నిరసిస్తూ పలువురు ఇవాళ ఉదయం గాంధీ భవన్ కు చేరుకొని చేతిలో ప్లకార్డులు పట్టుకొని ధర్నాకు ఉపక్రమించారు.
దీనిపై సీరియస్ అయిన పీసీసీ చీఫ్ రేవంత్ రెడ్డి తుర్కపల్లి మండల నాయకులు వెంటనే ధర్నా విరమించాలని నియోజకవర్గ ఇన్ చార్జి బీర్ల ఐలయ్యకు సూచించారు. లేని పక్షంలో పార్టీ నుంచి సస్పెండ్ చేయాల్సి వస్తుందని హెచ్చరించారు. నియోజకవర్గంలోని 8 మండలాలకు గాను ఏడిటింని ఐలయ్యకు అనుకూలంగా ఉన్న వ్యక్తులకు ఇచ్చామని రేవంత్ చెప్పారు.
మొన్నటి వరకు మండల పార్టీ అధ్యక్షుడిగా ఉన్న శంకర్ నాయక్ ను సస్పెండ్ చేయాలని రేవంత్ ఆదేశించారు. ఈ క్రమంలో గాంధీభవన్ మెట్లపై ఎవరెరు ధర్నాకు దిగారో సమాచారాన్ని పీసీసీ సేకరిస్తున్నది.
