చీరకట్టులో మెరిసిపోయే సౌందర్యం, చూపుతిప్పుకోనివ్వని హుందాతనంతో ఆకట్టుకుంటోంది నటి రిద్ది కుమార్. సంప్రదాయ వేషధారణకు ఆధునిక హంగులు అద్దడంలో ఈ ముద్దుగుమ్మ శైలే వేరు. లేటెస్ట్ గా ఈ బ్యూటీ తన ఫోటో షూట్ పిక్స్ ను సోషల్ మీడియాలో షేర్ చేసింది. రిద్ది అందాలకు నెటిజన్లు ఫిదా అవుతూ లైకుల వర్షం కురిపిస్తున్నారు.
మోడ్రన్ గ్లామర్!
రిద్ది కుమార్ తాజాగా పోస్ట్ చేసిన ఫోటోల్లో బెజ్ కలర్ (Beige) చీర, మెరిసిపోయే సిక్విన్ బ్లౌజ్లో దేవకన్యలా కనిపిస్తోంది. సున్నితమైన ఆభరణాలు, ఆకర్షణీయమైన హావభావాలతో ఆమె "ఓల్డ్ స్కూల్ చార్మ్"ను గుర్తుకు తెస్తోంది. కేవలం గ్లామర్ మాత్రమే కాకుండా, తన డ్రెస్సింగ్ స్టైల్లో ఒక రకమైన హుందాతనాన్ని (Elegance) ప్రదర్శిస్తూ ఈ బ్యూటీ నెటిజన్లను ఫిదా చేస్తోంది.
ఆర్మీ బ్యాక్ గ్రౌండ్ నుంచి వెండితెర వరకు..
రిద్ది కుమార్ కేవలం అందగత్తె మాత్రమే కాదు, మంచి విద్యావంతురాలు కూడా. మహారాష్ట్రలోని షిర్డీ సమీపంలో, ఒక ఆర్మీ కుటుంబంలో జన్మించిన ఆమె, క్రమశిక్షణతో కూడిన వాతావరణంలో పెరిగారు. పుణెలోని ప్రఖ్యాత ఫెర్గూసన్ కాలేజీలో ఫిలాసఫీ లో పట్టభద్రురాలైన రిద్ది, సినీ రంగ ప్రవేశానికి ముందే మోడలింగ్లో తన సత్తా చాటారు. ప్రతిష్టాత్మకమైన 'ఫేస్ ఆఫ్ ఇండియా' టైటిల్ గెలవడం ఆమె కెరీర్కు మలుపు తిప్పింది. నటన కంటే ముందు ఆమె డ్యాన్స్ టీచర్గా, యాంకర్గా కూడా పనిచేసింది.
బహుభాషా నటిగా..
2018లో రాజ్తరుణ్ సరసన 'లవర్' చిత్రంతో టాలీవుడ్లోకి ఎంట్రీ ఇచ్చిన రిద్ది, అతి తక్కువ కాలంలోనే తెలుగు, హిందీ, మరాఠీ, మలయాళ భాషల్లో తనకంటూ ఒక ప్రత్యేక గుర్తింపు తెచ్చుకున్నారు. 'అనగనగా ఓ ప్రేమకథ', 'రాధే శ్యామ్', 'సలాం వెంకీ'లో నటించి మెప్పించింది. 'క్యాండీ', 'హ్యూమన్' వంటి వెబ్ సిరీస్ల ద్వారా విమర్శకుల ప్రశంసలు అందుకున్నారు. 2025లో వచ్చిన 'సూపర్ బాయ్స్ ఆఫ్ మలేగావ్'లో మల్లిక పాత్రలో ఆమె నటనకు మంచి మార్కులు పడ్డాయి.
►ALSO READ | Weekend Box Office: బాక్సాఫీస్ వద్ద చిన్న సినిమాల బిగ్ ఫైట్.. ఒకే రోజు థియేటర్లలోకి ఆరు చిత్రాలు!
రిద్ది కుమార్ కెరీర్లో అత్యంత కీలకమైన చిత్రం 'ది రాజా సాబ్'. పాన్ ఇండియా స్టార్ ప్రభాస్ సరసన 'అనిత' అనే కీలక పాత్రలో అలరించింది. నిరంతరం తన లుక్స్తో, నటనతో ప్రయోగాలు చేస్తున్న రిద్ది కుమార్, గ్లామర్కు కొత్త నిర్వచనం చెబుతోంది. తాజాగా వైరల్ అవుతున్న ఈ ఫోటోలు ఆమె క్రేజ్ను మరింత రెట్టింపు చేశాయి.
