సంక్రాంతి పండుగకు సొంతూర్లు వెళ్లే వారికి కోసం టీఎస్ఆర్టీసీ గుడ్ న్యూస్ చెప్పింది. పండుగకు ఈసారి కూడా అదనపు బస్సులు నడపబోతున్నట్లు TSRTC ప్రకటించింది. ప్రయాణికులకు 10 శాతం రాయితీ ఇస్తున్నట్లు ప్రకటించింది.
అయితే రానుపోనూ ఒకేసారి రిజర్వేషన్ చేసుకున్నవారికి మాత్రమే ఈ ఆఫర్ వర్తిస్తుందని తెలిపింది. జనవరి 31 వరకు ఈ ఆఫర్ వర్తించనుంది. డీలక్స్, సూపర్ లగ్జరీ, రాజధాని, గరుడ ప్లస్ బస్సుల్లో అడ్వాన్స్డ్ బుకింగ్ కి ఈ ఆఫర్ ను అమలు చేస్తోంది. సంక్రాంత్రి సందర్భంగా ప్రజలకు ఆర్థిక భారం తగ్గించేందుకు రాయితీని ప్రకటించినట్లు టీఎస్ ఆర్టీసీ తెలిపింది. ఈ రాయితీ సదుపాయాన్ని ప్రజలందరూ ఉపయోగించుకోవాలని అధికారులు సూచించారు. సురక్షితంగా గమ్యస్థానాలకు చేర్చడంలో ఆర్టీసీ బెస్ట్ ఆప్షన్ అని ఎండీ సజ్జనార్ తెలిపారు. ముందస్తు రిజర్వేషన్ చేసుకోవాలని కోరుతున్నారు.
