తెలుగుదేశం పార్టీ ఒక రాజకీయ పార్టీగా అర్హత కోల్పోయిందన్నారు. చంద్రబాబు జనంలో నుంచి వచ్చిన నాయకుడు కాదని... పార్టీని కబ్జా చేసి వచ్చారని సోమవారం ( ఏప్రిల్ 22) తాడేపల్లిలో మీడియా సమావేశంలో తెలిపారు. చంద్రబాబుకు ప్రజలకు ఏమీ తెలియదన్న సజ్జల... లాస్ట్ ఛాన్స్ కూడా జారిపోతుందని ఆయనకు అర్దమయిందని.. అందుకే అందర్నీ తిడుతూ తిరుగుతున్నారని విమర్శించారు.
2014లో చంద్రబాబు, పవన్, మోదీ ఇచ్చిన హామీలను అమలు చేయలేదన్నారు. టీడీపీ అండ్ కో పార్టీలకు పోటీ చేసేందుకు అభ్యర్థులు కూడా దొరకడం లేదు కాబట్టే.... టీడీపీ పార్టీ వారిని జనసేనలోకి పంపించి పోటీ చేయించే దుస్థుతిలో ప్రస్తుతం చంద్రబాబు ఉన్నారన్నారు. వైసీపీ నుంచి జనసేనలోకి వెళ్లిన వరప్రసాద్ ను అక్కడి నుంచి బీజేపీలోకి వెళ్తే టిక్కెట్ ఇచ్చారన్నారు. ఇప్పటికే ప్రకటించిన అభ్యర్థులను చంద్రబాబు అండ్ కో టీం మార్చుతుందన్నారు. జనసేనకు కేటాయించిన సీట్లలో కూడా టీడీపీ వారే పోటీచేస్తున్నారని.. ఈ లెక్కన చూస్తే జనసేనకు పది సీట్లే కేటాయించారన్నారు.
పిఠాపురం నుంచి కూడా పవన్ పోటీ నుండి తప్పుకోవచ్చేమో అని అనుమానం వ్యక్తం చేశారు. రాష్ట్రమంతా ప్రచారం చేయాలనే సాకు చూపించి పవన్ బరిలో నుంచి వెళ్లిపోయే అవకాశం ఉందని తాడేపల్లిలో నిర్వహించిన మీడియా సమావేశంలో ఏపీ ప్రభుత్వ సలహాదారు సజ్జల రామకృష్ణారెడ్డి అన్నారు. నామినేషన్ల పర్వం ముగుస్తున్నా.. టీడీపీ కూటమిలో సీట్లను సర్దుబాటు చేసుకోలేక తికమకపడుతున్నారన్నారని సజ్జల అన్నారు.
