పెండింగ్ బిల్లులను చెల్లించకపోతే మూకుమ్మడి రాజీనామాలు చేస్తామంటూ జగిత్యాల జిల్లా రాయికల్ మండలంలోని 32 గ్రామాల సర్పంచ్లు ఎంపీడీవోకు బుధవారం వినతిపత్రం అందజేశారు. తమ పరిస్థితి దయనీయంగా మారిందని, ఆస్తులు అమ్ముకొని అప్పులు తీసుకొచ్చి అభివృద్ధి పనులు చేస్తే బిల్లులు రావడంలేదని సర్పంచ్లు ఆవేదన వ్యక్తం చేశారు. పారిశుద్ధ్య సిబ్బందికి జీతాలు, పంచాయతీ ట్రాక్టర్ల డీజిల్ బిల్లులు చెల్లించలేని పరిస్థితిలో కొన్ని గ్రామాల సర్పంచులు ఉన్నారని పేర్కొన్నారు. ఎస్టీవోలో జమ చేసిన చెక్కులపై ఉన్న ఫ్రీజింగ్ ఎత్తివేయాలని డిమాండ్ చేశారు.
- జగిత్యాల టౌన్, వెలుగు
