చంపేస్తామంటూ బెదిరింపులు, అత్యాచారం చేస్తామంటూ వేధింపులకు గురి చేస్తున్నాడంటూ.. సినీ ఇండస్ట్రీ ఫైనాన్షియర్ పై కంప్లయింట్ చేసింది బాలీవుడ్.. హిందీ సినీ ఇండస్ట్రీకి చెందిన నటి షెర్లిన్ చోప్రా. ఈ మేరకు ఏప్రిల్ 13వ తేదీ ముంబై జూహూ పోలీస్ స్టేషన్ లో కేసు నమోదు చేశారు పోలీసులు.
ఓ వీడియోలో నటించేందుకు డబ్బులు ఇస్తానంటూ సినీ నటి షెర్లిన్ చోప్రాతో ఒప్పందం చేసుకున్నాడు ఓ ఫైనాన్షియర్. ఈ వీడియో మేకింగ్ విషయంలో తలెత్తిన వివాదంతో.. ఆ ఒప్పందం నుంచి తప్పుకుంది షెర్లిన్ చోప్రా. దీంతో ఫైనాన్షియర్.. ఆ నటిని వేధించటం, బెదిరించటం మొదలుపెట్టాడు. వీడియోలో నటించకపోతే చంపేస్తానంటూ వార్నింగ్ ఇచ్చాడు. దీంతో భయపడిన షెర్లిన్ చోప్రా పోలీసులకు కంప్లయింట్ చేసింది.
నటి ఇచ్చిన కంప్లయింట్ ఆధారంగా ఆ ఫైనాన్షియర్ పై ఐపీసీ సెక్షన్స్ 354, 506, 509 కింద కేసు నమోదు చేసిన ముంబై జూహూ పోలీసులు.. విచారణ చేస్తున్నారు. ఎఫ్ఐఆర్ నమోదు చేసి విచారణ ప్రారంభించారు. వాళ్లిద్దరి మధ్య ఏం జరిగింది.. ఎలాంటి వార్నింగ్స్ ఇచ్చాడు.. ఏ విధంగా వేధింపులకు గురి చేశాడు.. వారి మధ్య జరిగిన ఒప్పందం ఏంటీ.. ఎలాంటి కండీషన్స్ మధ్య లావాదేవీలు జరిగాయి అనే విషయాలపై విచారణ చేస్తున్నారు పోలీసులు.
