అగ్ర కథానాయకుడు నందమూరి బాలకృష్ణ తన 60వ పుట్టిన రోజు (జూన్ 10)సందర్భంగా ఒక అపురూపమైన పాటతో తన అభిమానులతో పాటు తెలుగు ప్రేక్షకులను అలరించారు . తన తండ్రి ఎన్టీఆర్ నటించిన ‘జగదేకవీరుని కథ’ చిత్రంలోని ‘శివశంకరీ శివానందలహరి’ పాటను బాలయ్య స్వయంగా పాడారు. పుట్టిన రోజు కానుకగా ఒకరోజు ముందే అనగా మంగళవారం (జూన్ 9) సాయంత్రం 5 గంటల 03 నిమిషాలకు తన యూట్యూబ్ ఛానెల్లో ఎన్బీకే ఫిల్మ్స్ లో విడుదల చేశారు.
అప్పట్లో ఘంటసాల పాడిన శివశంకరీ పాట ఓ రికార్డ్ ను సాధించింది. ఇప్పటికీ కొన్ని సింగింగ్ టాలెంట్ షో ఫైనల్స్ లో ఈ పాట పాడి గెలిచిన వాళ్లున్నారు. అలాంటి పాటను బాలయ్య పాడటం అంటే మాములు విషయం కాదు. సంగీత సాధన చేసిన వాళ్లు కూడా ఇలాంటి పాటలను పాడేందుకు కొంత ఇబ్బందులు పడుతుంటారు. అలాంటిది బాలయ్య విజయవంతంగా పాడారు. నందమూరి ఫ్యాన్స్ ఈ పాట విని దటీజ్ బాలయ్య అని పొగుడుతున్నారు . ప్రస్తుతం ఈ పాట సోషల్ మీడియాలో వైరల్ అవుతున్నది.