ముషీరాబాద్/ఖైరతాబాద్, వెలుగు: వైన్ షాపుల్లో గౌడ్ లకు 25 శాతం వాటా కల్పించాలని తెలంగాణ గౌడ, కల్లు గీత సంఘాల సమన్వయ కమిటీ చైర్మన్ బాలగౌని బాలరాజ్గౌడ్ కోరారు. మంగళవారం చిక్కడపల్లిలోని కల్లుగీత సంఘాల సమన్వయ కమిటీ స్టేట్ఆఫీసులో సర్వాయి పాపన్న వర్ధంతి నిర్వహించారు. పాపన్న ఫొటోకు పూలమాలలు వేసి నివాళులర్పించారు. అనంతరం బాలరాజ్ గౌడ్ మాట్లాడుతూ.. గౌడ కులస్తులను ఆదుకోవాలని, ప్రమాదవశాత్తు మృతిచెందిన కల్లుగీత కార్మికుల కుటుంబాలకు రూ.10 లక్షల ఎక్స్గ్రేషియో ఇవ్వాలని డిమాండ్చేశారు. కమిటీ కన్వీనర్ వెంకన్న గౌడ్, వర్కింగ్ చైర్మన్ ఎలికట్టే విజయ్ కుమార్ గౌడ్, గడ్డమీద విజయ్ కుమార్ గౌడ్, బాలగౌని వెంకటేశ్గౌడ్, హర్షవర్థన్ గౌడ్ తదితరులు పాల్గొన్నారు. అలాగే మంగళవారం సోమాజిగూడ ప్రెస్క్లబ్లో బహుజన కులాల ఐక్యవేదిక ఆధ్వర్యంలో సర్వాయి పాపన్న వర్ధంతి నిర్వహించారు.
మాజీ మంత్రి శ్రీనివాస్ గౌడ్, బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్పాల్గొని పాపన్న ఫొటోకు నివాళులర్పించారు. మాజీ మంత్రి శ్రీనివాస్గౌడ్ మాట్లాడుతూ.. ఎన్నికల పేరుతో మహనీయుల వర్ధంతి, జయంతులను ప్రభుత్వం నిర్వహించకపోవడం బాధాకరమన్నారు. జాజుల శ్రీనివాస్గౌడ్ మాట్లాడుతూ.. అసెంబ్లీ ఎన్నికల్లో శ్రీనివాస్ గౌడ్ను రెండు పార్టీలు ఏకమై ఓడించాయన్నారు. గీత కార్పొరేషన్మాజీ చైర్మన్ పల్లె రవికుమార్, బీసీ సంఘాల జేఏసీ చైర్మన్ కుందారపు గణేశ్చారి, బీసీ కమిషన్ మాజీ సభ్యుడు కె.కిశోర్గౌడ్, గౌడ ఐక్య సాధన సమితి అధ్యక్షుడు అంబాల నారాయణ గౌడ్ పాల్గొన్నారు.
బషీర్ బాగ్: హిమాయత్ నగర్ వై జంక్షన్ వద్ద స్థానిక కార్పొరేటర్ మహాలక్ష్మి రామన్ గౌడ్ ఆధ్వర్యంలో మంగళవారం సర్వాయి పాపన్న గౌడ్ వర్ధంతి నిర్వహించారు. పీసీసీ కార్యనిర్వాహక అధ్యక్షుడు, ఎమ్మెల్సీ మహేశ్గౌడ్, గౌడ కుల సంఘాల నాయకులు పాల్గొని పాపన్న ఫొటోకు పూలమాలు వేసి నివాళులర్పించారు. హిమాయత్ నగర్ లోని రాష్ట్ర గౌడ విద్యార్థి వసతి గృహంలో వసతి గృహం రాష్ట్ర అధ్యక్షుడు చక్రవర్తి పాపన్న విగ్రహానికి నివాళులర్పించారు.
