ఇంగ్లాండ్ తో జరుగుతున్న టెస్ట్ సిరీస్ లో టీమిండియా టెస్ట్ కెప్టెన్ శుభమాన్ గిల్ అదరగొడుతున్నాడు. తొలి నాలుగు టెస్టుల్లోనే నాలుగు సెంచరీలు తన ఖాతాలో వేసుకున్నాడు. 8 ఇన్నింగ్స్‌లలో 90.25 సగటుతో 722 పరుగులు చేసి ఈ సిరీస్ లో టాప్ రన్ స్కోరర్ గా నిలిచాడు. ఒక్క లార్డ్స్ టెస్టులో మినహాయిస్తే ప్రతి టెస్టులోనూ పరుగుల వరద పారించాడు. కెప్టెన్ ఇన్నింగ్స్ ఆడుతూ జట్టును ముందుండి నడిపిస్తున్నాడు. ఇంగ్లాండ్ తో మరో టెస్ట్ ఆడాల్సి ఉంది. గురువారం (జూలై 31) లండన్ లోని ఓవల్ లో వేదికగా చివరి టెస్ట్ జరగనుంది. ఈ మ్యాచ్ కు ముందు గిల్ బ్రాడ్ మాన్ రికార్డుపై కన్నేశాడు.
టెస్ట్ కెప్టెన్ గా గిల్ ఒక అరుదైన రికార్డుకు చేరువలో ఉన్నాడు. గిల్ ఐదో టెస్టులో మరో 89 పరుగులు చేస్తే కెప్టెన్ గా తొలి సిరీస్ లోనే అత్యధిక పరుగులు చేసిన ప్లేయర్ గా రికార్డు సృష్టిస్తాడు. ఇప్పటివరకు ఈ రికార్డ్ బ్రాడ్‌మాన్ పేరిట ఉంది. 1936-37లో ఇంగ్లాండ్‌పై 810 పరుగులు సాధించిన బ్రాడ్ మాన్ ఒకే టెస్ట్ సిరీస్‌లో అత్యధిక పరుగులు చేసిన ప్లేయర్ గా నిలిచాడు. 89 ఏళ్లుగా ఈ రికార్డ్ బ్రాడ్‌మాన్ పేరిట ఉంది. గిల్ ప్రస్తుతం ఉన్న ఫామ్ కు రెండు ఇన్నింగ్స్ ల్లో 89 పరుగులు చేయడం కష్టం కాకపోవచ్చు.
►ALSO READ | చదరంగంలో యువ రాణి దివ్య దేశ్ముఖ్.. ఫిడే వరల్డ్ కప్ విజేత సక్సెస్ స్టోరీ
ఇంగ్లాండ్ తో నాలుగో టెస్ట్ లో సెంచరీ కొట్టిన గిల్.. టెస్ట్ క్రికెట్ చరిత్రలో ఒకే సిరీస్‌లో నాలుగు సెంచరీలు సాధించిన మూడో మూడవ కెప్టెన్‌గా నిలిచి అరుదైన రికార్డును తన ఖాతాలో వేసుకున్నాడు. గతంలో ఈ ఘనత ఇద్దరు ఆటగాళ్లు మాత్రమే సాధించారు. ఆస్ట్రేలియా ఆల్ టైం బెస్ట్ టెస్ట్ బ్యాటర్ సర్ డాన్ బ్రాడ్‌మాన్ (1947/48), టీమిండియా దిగ్గజ సునీల్ గవాస్కర్ (1978/79) మాత్రమే కెప్టెన్ గా ఒకే సిరీస్ లో నాలుగు సెంచరీలు కొట్టారు. తాజాగా గిల్ నాలుగు సెంచరీలతో వీరి రికార్డ్ సమం చేశాడు. ఈ సిరీస్ లో మరో టెస్ట్ ఉండడంతో చివరి టెస్టులో గిల్ సెంచరీ కొడితే ఒకే టెస్ట్ సిరీస్ లో ఐదు సెంచరీలు చేసిన తొలి కెప్టెన్ గా చరిత్ర సృష్టిస్తాడు.
