జయం రవి హీరోగా ఆంథోని భాగ్యరాజ్ తెరకెక్కించిన తమిళ చిత్రం ‘సైరన్’. కీర్తి సురేష్, అనుపమ పరమేశ్వరన్ హీరోయిన్స్‌‌గా నటించారు. ‘గంగ ఎంటర్టైన్మెంట్స్’ అధినేత మహేశ్వర్ రెడ్డి మూలి ఈ చిత్రాన్ని తెలుగులో విడుదల చేస్తున్నారు. ఈ నెల 23న రిలీజ్ కానుంది. ఈ సందర్భంగా హీరో జయం రవి మాట్లాడుతూ ‘ఇందులోని ఎమోషన్స్, అందుకు జీవీ ప్రకాష్ అందించిన సంగీతం కీరోల్ పోషించాయి. పోలీస్‌ ఆఫీసర్‌‌‌‌గా కీర్తి అద్భుతంగా నటించింది.
నేను రెండు విభిన్నమైన పాత్రలు పోషించాను. తమిళంతో పాటు తెలుగు ప్రేక్షకులను ఈ చిత్రం ఆకట్టుకుంటుంది’ అని చెప్పాడు. ‘భారీ బడ్జెట్‌‌తో ఫ్యామిలీ, కమర్షియల్ ఎలిమెంట్స్ కుదిరేలా తెరకెక్కించాం. మునుపెన్నడూ కనిపించని పాత్రలో జయం రవి కనిపిస్తారు’ అని దర్శకనిర్మాతలు తెలియజేశారు.
