తుంగతుర్తి, వెలుగు: ఉద్యోగం లేదు.. తీసుకున్న లోన్ చెల్లించలేక మనోవేదనకు గురైన ఓ యువకుడు ఆత్మహత్య చేసుకున్నాడు. ఎస్సై రామకోటి తెలిపిన వివరాల ప్రకారం.. జాజిరెడ్డిగూడెం మండలం బొల్లంపల్లికి చెందిన వంగల సుకుమార్ రాజు(28) బెంగళూరులో సాఫ్ట్వేర్ ఉద్యోగం చేసి, మూడు నెలల క్రితం మానేశాడు.
హైదరాబాద్లో ఉద్యోగం కోసం వెతుకున్నాడు. పలు యాప్ లలో అధిక మొత్తంలో డబ్బులు లోన్ తీసుకొని, ప్రతినెలా వడ్డీ చెల్లిస్తున్నాడు. ఈ క్రమంలో ఉద్యోగం దొరక్కపోవడంతో లోన్చెల్లించేందుకు ఆర్థికంగా ఇబ్బంది పడుతున్నాడు.
5 రోజుల క్రితం స్వగ్రామం వచ్చాడు. లోన్గురించే ఆలోచిస్తూ మనస్తాపానికి గురై బుధవారం రాత్రి ఇంట్లోనే ఉరేసుకొని ఆత్మహత్య చేసుకున్నాడు. మృతుడి తండ్రి సత్తయ్య ఫిర్యాదు మేరకు కేసు దర్యాప్తు చేస్తున్నట్లు ఎస్సై పేర్కొన్నారు.
