సౌతాఫ్రికా క్రికెటర్‌ థియునిస్‌ డి బ్రూన్‌ అంతర్జాతీయ క్రికెట్ కు గుడ్ బై చెప్పాడు. 2017 లో క్రికెట్ లోకి ఎంట్రీ ఇచ్చిన అతను ఆరేళ్ల కెరీర్‌లో కేవలం 13 టెస్ట్‌లు, 2 టీ20లు మాత్రమే ఆడాడు. టెస్టుల్లో 468 పరుగులు చేసిన బ్రూన్‌ ... టీ20ల్లో 26 పరుగలు చేశాడు. 2018లో బ్రూన్‌ కొలంబోలో శ్రీలంకపై సెంచరీ చేశాడు. డి బ్రూన్‌ రిటైర్మెంట్ నిర్ణయాన్ని అతని దేశవాలీ టీమ్‌ టైటాన్స్‌ వెల్లడించింది. గతేడాది డిసెంబర్‌లో ఆస్ట్రేలియాపై తన చివరి టెస్ట్‌ మ్యాచ్‌ ఆడాడు. ఆ తరువాత సరైన అవకాశాలు రాకపోవడంతో జట్టుకు దూరమయ్యాడు. కెరీర్ పైన దృష్టి పెట్టాల్సిన 30ఏళ్ల బ్రూన్‌ సడన్ గా రిటైర్మెంట్ ప్రకటించడం అందరికీ షాక్ కు గురిచేసింది. కాగా ఇటీవల జరిగిన సౌతాఫ్రికా టీ20 లీగుల్లో ప్రిటోరియా క్యాపిటల్స్ జట్టు తరుపున ఆడాడు.
