శ్రీశైలం శ్రీ భ్రమరాంబ మల్లికార్జునస్వామి అమ్మవార్ల ఉభయ దేవాలయాలు హుండీ లెక్కింపు అక్కమహాదేవి అలంకార మండపంలో నిర్వహించారు. మహాశివరాత్రి బ్రహ్మోత్సవాలలో భారీగా మల్లన్నకు హుండీ ఆదాయం వచ్చింని దేవస్థాన అధికారులు తెలిపారు. ఈ లెక్కింపు ద్వారా దేవస్థానానికి 5 కోట్ల 11 లక్షల 94 వేల 935 రూపాయల ఆదాయం వచ్చిందన్నారు.
ఈ ఆదాయాన్ని గత 13 రోజులులో స్వామి అమ్మవార్లకు భక్తులు కనుకాలుగా నగదు రూపంలో సమర్పించినట్టు దేవస్థానం ఈవో ఎస్.లవన్న తెలిపారు. వీటితో పాటు 100 గ్రాముల 400 మిల్లీ గ్రాముల బంగారం, 6 కేజీల 500 గ్రాముల వెండి లభించాయి. నగదుతో పాటు, విదేశీ కరెన్సీ కూడా ఈ లెక్కింపులో వచ్చాయి. పటిష్టమైన నిఘా మధ్య ఆలయ ఈవో లవన్న పర్యవేక్షణలో జరిగిన ఈ హుండీ లెక్కింపు కార్యక్రమంలో.. దేవస్థానం అన్ని విభాగాలకు అధికారులు,సిబ్బంది,శివసేవకులు పాల్గొన్నారు.
