- కమలాపూర్ మండలం ఉప్పల్ స్టేషన్ వద్ద ప్రమాదం
- సొంతూరు భూపాలపల్లి జిల్లా చల్లగరిగెలో విషాదం
కమలాపూర్, వెలుగు: ప్రమాదవశాత్తు రైలు నుంచి జారిపడి స్టేషన్ మాస్టర్మృతిచెందిన ఘటన హనుమకొండ జిల్లాలో జరిగింది. స్థానికులు తెలిపిన ప్రకారం.. జయశంకర్భూపాలపల్లి జిల్లా చిట్యాల మండలం చల్లగరిగె గ్రామానికి చెందిన జనగాం మహేశ్(39) జమ్మికుంటలో రైల్వే స్టేషన్ మాస్టర్. అతనికి భార్య, కూతురు ఉన్నారు.
రోజూలాగే విధులకు వెళ్లిన ఆయన సోమవారం ఉదయం అండమాన్ఎక్స్ ప్రెస్ రైలులో జమ్మికుంట నుంచి వరంగల్ కు వెళ్తున్నాడు. రైలు కమలాపూర్ మండలం ఉప్పల్ స్టేషన్వద్దకు చేరగానే మహేశ్ ప్రమాదవశాత్తు అందులోంచి జారిపడి స్పాట్ లో చనిపోయాడు. ఘటనపై రైల్వే అధికారులు కేసు నమోదు చేసి విచారణ చేపట్టారు. మహేశ్మృతితో సొంతూరిలో తీవ్ర విషాదం నెలకొంది.
